ا ق ش پەن قىتاي ساۋدا سوعىسىن توقتاتا تۇرۋعا كەلىستى

 استانا.قازاقپارات - ا ق ش پەن قىتاي ءوزارا تاريفتەردى كوتەرمەۋ تۋرالى كەلىسىمگە كەلدى، دەپ حابارلايدى ينتەرفاكس سايتى.

ا ق ش- تىڭ قارجى ءمينيسترى ستيۆەن منۋچين مالىمدەگەندەي، ا ق ش پەن قىتاي جاقىندا عانا جۇرگىزىلگەن كەلىسسوزدەر ناتيجەسى بويىنشا شىنىمەندە ءبىر- بىرىنە قارسى ساۋدا تاريفتەرىن كوتەرۋ يدەياسىنان باس تارتتى.

«ءبىز ايتۋلى تابىسقا قولجەتكىزدىك جانە نەگىزدەردى (ءبىزدىڭ ارەكەتتەرىمىزدى - ي ف) كەلىسىپ الدىق. وسىلايشا، ءبىز ءدال قازىردەن باستاپ سول نەگىزدەردى جۇزەگە اسىرۋ ءۇشىن تاريفتەردى تۇراقتاندىرۋ تۋرالى كەلىستىك» ، - دەدى ستيۆەن منۋچين.

بۇعان دەيىن قىتاي مەن ا ق ش اراسىنداعى كەلىسسوزدەردىڭ قورتىندىسى بويىنشا ق ح ر مەملەكەتتىك كەڭەسىنىڭ ۆيتسە- پرەمەرى ليۋ حە حابارلاعانداي، تاراپتار ەكى ەل اراسىنداعى ساۋدا سوعىسىنا جول بەرمەيتىن شارالاردى قابىلداۋ تۋرالى كەلىستى، ونىڭ ىشىندە تاريفتەردىڭ ءوسىمىن الدىن الۋ شارالارى دا بار.

ا ق ش پەن قىتاي وكىلدەرى ۆاشينگتوندا مامىردىڭ 17  سى مەن 18 ى  ساۋدا ماسەلەسىنە ارنالعان كەزەكتى راۋند وتىرىسىن وتكىزدى. سونان سوڭ، تاراپتار ا ق ش- تاعى تاۋار تاپشىلىعىن تومەندەتۋ ءۇشىن قىتايدىڭ امەريكالىق يمپورتتى ارتتىرۋ بويىنشا شارالاردى قابىلداۋعا كەلىسكەنى تۋرالى مالىمدەمەنى جاريالادى.

Baq.kz