قازاقستان وتاندىق مۇناي ونىمدەرىمەن ءوزىن تولىق قامتاماسىز ەتەتىن بولادى

استانا. قازاقپارات - ق ر ەنەرگەتيكا ءمينيسترى قانات بوزىمبايەۆ تاياۋ ارادا قازاقستاندىق نارىق وتاندىق مۇناي ونىمدەرىمەن تولىقتاي قامتاماسىز ەتىلەتىنىن ايتتى، دەپ حابارلايدى قازاقپارات ءتىلشىسى.

ماجىلىستەگى ۇكىمەت ساعاتى باراسىندا مينيستر پاۆلودار جانە اتىراۋ مۇناي وڭدەۋ زاۋىتتارىندا جاڭعىرتۋ جۇمىستارىنىڭ اياقتالۋى موتورلىق وتىندارعا يمپورتتىق تاۋەلدىلىكتى تومەندەتكەنىن جەتكىزدى.

«بۇگىندە وتاندىق مۇناي ونىمدەرىمەن قامتاماسىز ەتىلۋ دەڭگەيىنە توقتالساق، بەنزين بويىنشا 90 پايىزدى، ديزەل وتىنى 90 پايىزدى، ال اۆياكەروسين بويىنش 58 پايىزدى قۇرادى. بيىل شىمكەنت م ءو ز- ءىن جاڭعىرتۋ اياقتالادى. 2018 -جىلى مۇناي وڭدەۋدىڭ جالپى كولەمى بىلتىرعى جىلعا قاراعاندا، 1 ميلليون توننادان استامعا ارتىپ، 16 ميلليون توننانى قۇرايدى»، - دەدى مينيستر.

ونىڭ سوزىنە قاراعاندا، ونىمدىلىكتى ارتتىرۋ تۇرعىسىندا ءۇش م ءو ز- دە جوندەۋ جۇمىستارىن باسقارۋ اۆتوماتتاندىرىلادى. جىل سايىنعى جوندەۋ مەرزىمدەرى 45 تەن 20 كۇنگە دەيىن قىسقارادى، ال ءوندىرىستى 45 كۇنگە توقتاتۋ (جوندەۋ جۇمىستارى- اۆت.) ءۇش جىلدا ءبىر رەت ىسكە اسىرىلادى.

ايتا كەتەيىك، بيىلعا دەيىن ءار زاۋىت جىل سايىن 30 دان 45 كۇنگە دەيىن جۇمىستارىن توقتاتۋعا ءماجبۇر بولدى.

«بۇل ءوز كەزەگىندە مۇناي ءوندىرۋدى ورتاشا ەسەپپەن العاندا جىلىنا 300 مىڭ تونناعا ارتتىرۋعا مۇمكىندىك بەرەدى. جاقىن ارادا ءبىزدىڭ نارىق تولىقتاي وتاندىق ونىممەن قامتاماسىز ەتىلەدى»، - دەدى مينيستر.