بىشكەكتىڭ بۇرىنعى مەرى قاماۋعا الىندى

بىشكەك. قازاقپارات - قىرعىزستاننىڭ باس پروكۋراتۋراسى بىشكەكتىڭ بۇرىنعى مەرى كۋلماتوۆ كۋبانىچبەككە جەمقورلىق جاسادى دەپ ايىپ تاعىلدى. بۇل تۋرالى «كابار» اگەنتتىگى حابارلايدى.

تەرگەۋ بارىسىندا انىقتالعانداي، 2014 -جىلى كۋلماتوۆ بىشكەك قالاسىنىڭ مەرى بولعاندا گرانتتىق ماقساتتاعى قارجىنى زاڭسىز پايدالانعان. ول «بىشكەك قالاسىنىڭ ج ە و-سىن جاڭعىرتۋ» جوباسىن جۇزەگە اسىرۋ اياسىندا وڭىردەگى ەكى مەكتەپتىڭ قۇرىلىسى ءۇشىن TBEA قىتايلىق كومپانياسى ۇسىنعان 2 ميلليون ا ق ش دوللاردى جىمقىرعان.

وسىلايشا، ك. كۋلماتوۆ كونكۋرستىق ىرىكتەۋ وتكىزبەي، «التو گرۋپپ» جشق باسشىسىمەن كەلىسە وتىرىپ، قىتايلىق كومپانيانى 1 ميلليون ا ق ش دوللارىن اتالمىش جەكە كومپانيانىڭ شوتىنا تىكەلەي اۋدارۋعا كوندىرەدى. سونداي-اق، قالالىق بيۋدجەتتەن كالىس وردو مەكتەبىنىڭ قۇرىلىسىن اياقتاۋ ءۇشىن قوسىمشا 100 ميلليون سوم بولىنگەن.

قازىرگى تاڭدا مەردىگەر جەكە كومپانيا باسشىلارىنىڭ ءبىرى قىرعىزستان ۇلتتىق قاۋىپسىزدىك كوميتەتىنىڭ تەرگەۋ يزولياتورىنا قامالدى.

ايىپتالۋشى ك. كۋلماتوۆتىڭ، بىشكەك قالاسى مەرياسىنىڭ جاۋاپتى تۇلعالارى جانە جەكە كومپانيانىڭ وعان ۇلەستەس باسشىلارىنىڭ تۇرعىلىقتى مەكەنجايى بويىنشا ءتىنتۋ جۇمىستارى جۇرگىزىلدى.