ق ر ەنەرگەتيكا ءمينيسترى بەنزين باعاسىنا قاتىستى ايتىلاتىن سىنعا جاۋاپ بەردى

استانا. قازاقپارا - ق ر ەنەرگەتيكا ءمينيسترى قانات بوزىمبايەۆ قازاقستانعا قاراعاندا بەنزين باعاسىت قاي ەلدەردە قىمبات ەكەنىن ايتىپ بەردى، دەپ حابارلايدى قازاقپارات.

«سالىستىرۋ ءۇشىن 167 ەلدىڭ اراسىندا مۇناي ونىمدەرى باعالارى بويىنشا حالىقارالىق «Global Petrol Prices» اگەنتتىگىنىڭ رەيتينگىن ۇسىنعىم كەلەدى. باسقا ەلدەرگە قاراعاندا بىزدە مۇناي ونىمدەرىنىڭ قۇنى قىمبات دەگەن سوزدەر ءجيى ەستىلەدى. بۇل رەتتە تاۋەلسىز اگەنتتىكتىڭ رەيتينگىن كورسەتكىم كەلەدى. بەنزين باعاسى بويىنشا سوڭىنان باستاپ قاراعاندا قازاقستان 12- ورىندا، ال ديزەل وتىنى قۇنى كورسەتكىشىندە 14- ورىندا تۇر. ياعني، 167 ەلدىڭ اراسىندا بىزبەن سالىستىرعاندا تەك 11 ەلدە بەنزين ارزانىراق، وسى ورايدا ۆەنەسۋەلا، يران، كۋۆەيت، تۇركمەنستاندا باعا تومەن. ديزەل وتىنى 13 ەلدە ارزان، ولار: ۆەنەسۋەلا، يران، ساۋد ارابياسى، ازەربايدان، تۇركمەنستان...»، - دەدى مينيستر ماجىلىستەگى ۇكىمەت ساعاتىندا.

سونىمەن قاتار، ق. بوزىمبايەۆ مۇناي وندىرەتىن ساۋد ارابياسى، ب ا ءا، ا ق ش، رەسەي، ازەربايجان سەكىلدى ەلدەردە بەنزين قازاقستانعا قاراعاندا قىمباتتاۋ ەكەنىن اتاپ ءوتتى.