قازاقستاندا جۇمىسشى-ميگرانتتاردىڭ كاسىپوداعى قۇرىلادى
بۇل تۋرالى بۇگىن «ورتالىق ازيا ەلدەرىندەگى الەۋمەتتىك ەڭبەك قاتىناستارى: تالداۋ جانە كەلەشەگى» اتتى دوڭگەلەك ۇستەل وتىرىسى بارىسىندا ق ر كاسىپوداقتار فەدەراتسياسى ءتوراعاسىنىڭ ورىنباسارى ەرلان سايروۆ ايتتى، دەپ حابارلايدى قازاقپارات ءتىلشىسى.
«ەلباسىنىڭ 5 الەۋمەتتىك باستاماسى اياسىندا قازاقستاننىڭ كاسىپوداقتار فەدەراتسياسى حالىقارالىق ىنتىماقتاستىقتى دامىتۋدا. مەملەكەت باسشىسىنىڭ 5 الەۋمەتتىك باعدارلاماسىنىڭ ەڭ نەگىزگى مايەگى - الەۋمەتتىك ەڭبەك قارىم- قاتىناستارىن دامىتۋ. وسى تۇرعىدا وزدەرىڭىز بىلەتىندەي، سوڭعى كەزدەرى قازاقستاننىڭ ورتالىق ازيا ەلدەرىمەن ەكونوميكالىق ينتەگراتسيا پروتسەستەرى ءجۇرىپ جاتىر»، - دەدى ول.
ونىڭ اتاپ وتۋىنشە، بۇگىنگى تاڭدا قازاقستاننىڭ ورتالىق ازيا ەلدەرىمەن جىلدىق تاۋار اينالىمى 3,6 ميلليارد دوللارعا جەتىپ وتىر. مۇنان بولەك، ەلىمىزدە و ا مەملەكەتتەرى وكىلدەرىمەن قۇرىلعان 4 مىڭنان استام ءارتۇرلى كاسىپورىن ناقتى جۇمىس ىستەپ تۇر.
«سونىمەن قاتار، قازاقستان وسى ورتالىق ازيا ەلدەرىنەن ەڭبەك ءونىمىن قابىلداۋشى جانە ەڭبەك ءونىمىن باسقا ەلدەرگە ەكسپورتتاۋشى سانالادى. مىنە، وسى تۇرعىدان كەلگەندە قازاقستاندا ەڭبەك ەتىپ جاتقان ورتالىق ازيا ەلدەرى وكىلدەرىنىڭ قۇقىقتارىن قامتاماسىز ەتۋ، ولاردى ەلىمىزدىڭ زاڭدارىنا سايكەس الەۋمەتتەندىرۋ ماسەلەسى وتە وزەكتى. بۇگىنگى دوڭگەلەك ۇستەل بارىسىندا ورتالىق ازيا ەلدەرىنىڭ وكىلدەرىمەن وسى ماسەلەلەر جان-جاقتى قارالادى»، - دەدى ق ر كاسىپوداقتار فەدەراتسياسى ءتوراعاسىنىڭ ورىنباسارى.
ەرلان سايروۆتىڭ سوزىنە قاراعاندا، مۇنان بولەك بۇگىنگى شارا بارىسىندا قازاقستاندا جۇمىسشى- ميگرانتتاردىڭ كاسىپوداعىن قۇرۋ ماسەلەسى جان-جاقتى تالقىلانباق.
«ەڭ نەگىزگى ماسەلە وسى دوڭگەلەك ۇستەل وتىرىسى اياسىندا ورتالىق ازيا ەلدەرى كاسىپوداقتارىمەن بىرلەسە وتىرىپ، قازاقستاندا باسقا ەلدەن كەلىپ جۇمىس ىستەپ جاتقان جۇمىسشىلاردىڭ ەڭبەگىن قورعاۋ جونىندەگى كوميسسيا قۇرۋ جانە سول كوميسسيا اياسىندا ەڭبەك ميگرانتتارىنىڭ كاسىپوداعىن قۇرۋ قاراستىرىلادى. بۇل دۇنيەجۇزىلىك تاجىريبەگە ساي كەلەدى. مىسالى ەۋروپادا باسقا ەلدەردەن كەلىپ جۇمىس ىستەپ جاتقان باسقا ەل وكىلدەرىنىڭ كاسىپوداقتارى جۇمىس ىستەيدى»، - دەدى ەرلان سايروۆ.
ايتا كەتەيىك، دوڭگەلەك ۇستەل جۇمىسىنا ورتالىق ازيا ەلدەرى كاسىپوداقتارىنىڭ باسشىلارى، ق ر پارلامەنتى ءماجىلىسىنىڭ دەپۋتاتتارى، ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلدەرى، ەڭبەك ساراپشىلارى، بەلگىلى ەكونوميستەر قاتىسۋدا.