ومىرىڭىزدەن نەنى الىپ تاستار ەدىڭىز؟

None
None
استانا. قازاقپارات - جان-جاقتان توقىلا بەرەتىن، شىرمالا بەرەتىن الەمدە قاجەتسىز زاتتار قانشاما... ادەتتەر...

سولاردىڭ قانشاسى (ىزدەپ كورسەك) ءسىزدىڭ بويىڭىزدان تابىلادى ەكەن؟ سولاردىڭ قانشاسى ومىرىڭىزگە اۋىرتپالىق سالىپ ءجۇر نەمەسە كولەڭكەلى تۇستارىن ءتۇسىرىپ كەلۋدە؟ قازاقتا «ەشتەن كەش جاقسى» دەگەن تاماشا ءسوز بار. قايىرىمدى وقىرمان، ءومىرىڭىزدىڭ كۇنگەي تۇستارىنان ارىلىڭىز. جاقسى ءومىر سالتقا اينالسىن.

ەندەشە، باس تارتۋعا ءتيىس ازدى-كوپتى كەدەرگىلەر:

ىڭعايسىز كيىم

كەيبىر كيىمدەر ۇستىڭىزدە كەرەمەت كورىنۋى مۇمكىن، ءبىراق، ءبىر جەرى قىسىپ، ءبىر جەرى ۇلكەن كورىنىپ تۇراتىن بولسا، وندا ول - ءسىزدىڭ جاۋىڭىز. ولاردان تەز ارادا قۇتىلىڭىز جانە ولاردى قورقىنىشتى تۇستەي ۇمىتىپ كەتە بارىڭىز.

ءسىزدى وكپەلەتەتىن «ازىلدەر»

ۇنەمى بىرەۋدىڭ مازاسىن الىپ، ازىلمەن قىتىققا ءتيىپ قويمايتىن ادامدار توبى بار. ولار سول ارقىلى وزدەرىنىڭ جەكە باعالارىن ارتتىرعىسى كەلەدى. ايتقان ازىلدەرى بىرەۋ-مىرەۋدىڭ جاندى جەرىنە ءتيىپ كەتۋى مۇمكىن. كەيدە ولار تىپتەن ارتىق قاعىتپالاردى ايتىپ، وزگەلەرگە كۇلكىلى كورۋىنى ءۇشىن جانە ارتىق اۋىز سوزدەن ادا بولۋى ءۇشىن وزدەرى كۇلەدى-اي كەلىپ. ەگەر ءسىز مۇنداي ادامعا ەسكەرتۋ جاسار بولساڭىز، ول بىردەن ات توقىمىن الا تۋلاپ، سىزدە يۋموردىڭ جوق ەكەندىگىن جانە جانجالقوي مىنەزىڭىزدى بەتكە باسادى. مۇنىمەن قالاي كۇرەسۋگە بولادى؟ سونداي ءبىر «ءازىل» رەنجىتۋلەردەن ءوزىڭدى ازات ەتۋدىڭ جالعىز جولى - ونداي ادامدارمەن اڭگىمەلەسپەۋ. ومىرىڭىزدەن سىزىپ تاستاڭىز.

ساتىپ الىنعان قاجەتسىز زاتتار

جاڭا جەيدە سىزگە كىشى مە، كەشە ساتىپ العان شالبار ءسىزدىڭ ستيلىڭىزگە ساي كەلمەيدى مە؟ وندا ولاردى ساقتاۋدا نە ءمان-ماڭىز؟ ولاردى ساتىپ الۋ ارقىلى قاتەلەسكەنىڭىزدى ەسكە سالۋ ءۇشىن بە؟ دۇكەنگە قايتارىپ بەرىڭىز نەمەسە حابارلاما ارقىلى ساتىڭىز. ال ەڭ دۇرىسى، ساتىپ الۋ كەزىندە جاقسىلاپ ويلانىپ الىڭىزشى - سىزگە مىنا زات شىنىمەن كەرەك پە؟

جامان ادەتتەر

جامان ادەتتەردەن ارىلۋعا ەشقاشان كەش ەمەس. ءتىپتى، ەگەر ءسىز اقىر اياعىندا بەرىلىپ، سول ادەتتەرگە مويىنۇسىنار بولساڭىز دا، ءار ۋاقىتتا تاعى ءبىر باستاپ كورۋگە مۇمكىندىك بار. تاڭداۋ جاساڭىز.

نەسيەلەر

نەسيە الۋدان باسقا امال بولمايتىن كەزدەر بولادى. ءبىراق، كەيبىر ادامدار نەسيەگە بوي ۇيرەتىپ كەتكەندىكتەن، جاي عانا العىلارى كەلەدى دە تۇرادى. ادەتكە اينالىپ كەتكەن. ءتىپتى، ولارعا مۇنىڭ اسا قاجەتى جوق بولسا دا. بىلاي الىپ قاراعاندا، مۇندا تۇرعان ەش سوكەتتىك جوق سياقتى، الايدا، نەسيە قاي جولعى قارىزداي ءسىزدىڭ ومىرىڭىزگە نەگاتيۆتى اسەر ەتىپ، ارقاڭىزعا اۋىر جۇك بولىپ باتادى. ودان قالسا، ارتىق اۋىرتپالىق.

ءسىزدىڭ قۋاتىڭىزدى ۇرلايتىن ازىق-تۇلىكتەر

قانت، كوفە، ەنەرگەتيكالىق ونىمدەر - اتالعان ونىمدەردىڭ بارلىعى ءسىزدىڭ ومىرىڭىزدە بولۋى مۇمكىن جانە ءوزىڭىزدى سەرگەك سەزىنۋ ءۇشىن ولاردى تۇتىنىپ تۇراتىن بولارسىز. ۋاقىت جەتتى. ءىشىپ-جەمگە تاۋەلدىلىكتەن قۇتىلاتىن كەز كەلدى. قايىرى بولىپ تۇرعان كەزدە.

 دەرەككوزى: "پ ت" توپتاماسىنان

 

سوڭعى جاڭالىقتار