10:41, 21 - مامىر 2018 | GMT +6
ت م د ەلدەرىنىڭ ۇكىمەت باسشىلارى دۋشانبەدە باس قوسادى
استانا. قازاقپارات - ت م د مەملەكەتتەرىنىڭ ۇكىمەت باسشىلارى 1 -ماۋسىمدا تاجىكستان استاناسى دۋشانبەدە باس قوسپاق، دەپ حابارلايدى قازاقپارات.
«1 -ماۋسىمدا دۋشانبەدە تاۋەلسىز مەملەكەتتەر دوستاستىعى ۇكىمەت باسشىلارى كەڭەسىنىڭ وتىرىسى وتەدى»، - دەلىنگەن ت م د اتقارۋ كوميتەتىنىڭ اڭداتپاسىندا.
ەسكە سالايىق، ت م د ۇكىمەت باسشىلارى كەڭەسىنىڭ بۇعان دەيىنگى وتىرىسى تاشكەنتتە 2017 -جىلى 3 -قاراشا كۇنى ءوتتى. وندا دوستاستىق ەلدەرىنىڭ ءوزارا ينتەگراتسيالىق قارىم- قاتىناسىنىڭ كەڭ اۋقىمدى سۇراقتارى تالقىلانعان ەدى. وتىرىسقا قاتىسۋشىلار حالىقارالىق كارتەلدەرگە ءتيىمدى قارسى تۇرۋ ءۇشىن الەمدىك قاۋىمداستىقتىڭ كۇش-جىگەرىن شوعىرلاندىرۋ جونىندەگى ت م د- عا مۇشە ەلدەر ۇكىمەت باسشىلارىنىڭ مالىمدەمەسىن قابىلدادى.
ۇكىمەت باسشىلارى كەڭەسىنىڭ وتىرىسى جىلىنا ەكى رەت وتكىزىلەدى، كەزەكتەن تىس وتىرىس مۇشە مەملەكەتتەردىڭ ىشىندەگى كەز كەلگەن ۇكىمەتتىڭ باستاماسى بويىنشا شاقىرىلۋى مۇمكىن.