استانادا ءبىر اپتا ىشىندە پاتەر تاعى قىمباتتادى
الدىڭعى اپتامەن سالىستىرعاندا ەلورداداعى بۇل كورسەتكىش %2 وسكەن، دەپ حابارلايدى Baq.kz اقپارات اگەنتتىگى kn.kz سايتىنا سىلتەمە جاساپ.
باعا ءوسىمى شارشى مەتر ءۇشىن دە، ورتاشا ەسەپپەن العاندا پاتەر ءۇشىن دە وسكەنى بايقالادى.
استانادا 27,770 ميلليون تەڭگەگە پاتەر ساتىپ الۋ ۇسىنىلعان. بۇل وتكەن اپتادا تىركەلگەن باعادان 612 مىڭ تەڭگەگە نەمەسە %2,3 ارتىق بولىپ وتىر. ال 1 بولمەلى پاتەردىڭ ورتاعا باعاسى ورتا ەسەپپەن العاندا 13,736 ميلليون تەڭگەنى، 2 بولمەلى پاتەر ءۇشىن 20,649 ميلليون تەڭگەنى قۇرايدى.
الماتى اۋدانىنداعى پاتەرلەردىڭ ورتاشا باعاسى ءبىر شارشى مەتر ءۇشىن 338,8 مىڭ تەڭگەنى قۇرادى. ال، ەسىل اۋدانىنداعى باسپانانىڭ ورتاشا باعاسى ءۇشىن مۇنداي كورسەتكىش 404 مىڭ، سارىارقا اۋدانىندا 321 مىڭ تەڭگەگە جەتكەن.
ەسىل اۋدانىندا ساتىلاتىن باسپانا باعاسى %4 وسكەنى دە تىركەلگەن. سونىڭ ىشىندە، 1 جانە 3 بولمەلى پاتەرلەر قىمباتتاعان.