قازاقستاندىق «مەسسي» ەل قۇراماسىنا شاقىرىلدى

استانا. قازاقپارات - «ۋفا» كلۋبىنىڭ جاس شابۋىلشىسى ەركەبۇلان سەيداحمەت فۋتبولدان قازاقستان ۇلتتىق قۇراماسىنىڭ ساپىنا شاقىرىلدى، دەپ حابارلايدى Sports.kz رەسەيلىك كلۋبتىڭ رەسمي سايتىنا سىلتەمە جاساپ.

«18 جاستاعى ەركەبۇلان سەيداحمەت قازاقستان ۇلتتىق قۇراماسىنا شاقىرىلدى. قازاقستان 1-6 ماۋسىم ارالىعىندا استانا قالاسىندا وقۋ- جاتتىعۋ جۇمىستارىن وتكىزەدى. جيىن اياسىندا ازەربايجان قۇراماسىمەن جولداستىق كەزدەسۋى (5 -ماۋسىم) وتەدى»، - دەلىنگەن حابارلامادا.

ەسكە سالا كەتەيىك، «قازاقتان شىققان مەسسي» اتىمەن تانىلعان جاس فۋتبولشى ۋفا كلۋبىمەن ۇزاق مەرزىمدى كەلىسىمشارتقا قول قويعاننان سوڭ ەكى ماتچ وتكىزدى. 7 -ساۋىردە تۋلانىڭ «ارسەنالىمەن» وتكەن ويىندا (1:2) جاراقات الىپ، بىرنەشە كەزدەسۋگە قاتىسا الماعان بولاتىن.