الەمنىڭ ساۋدا ورتالىعى قاي قالادا ورنالاسقان

استانا. قازاقپارات - CBRE ەسەبىنشە دۋباي قالاسى لوندون مەگاپوليسىن ارتقا تاستاپ، الەمدەگى ەڭ حالىقارالىق ساۋدا ورتالىعى مارتەبەسىنە قول جەتكىزگەن.

زەرتتەۋ ناتيجەسىنەن بەلگىلى بولعانداي، اراب قالاسى حالىقارالىق برەندەردىڭ شوعىرلانۋى بويىنشا كوش باستاعان: اتالعان شاھاردا بولشەك ساۋداداعى برەندەردىڭ %62 ى شوعىرلانعان. ماسەلەن، وتكەن دۋبايعا 59 جاڭا برەند كەلگەن.

وسىلايشا وسى زامانعى اراب قالاسى ەۋروپا كومپانيالارىنان %40 جوعارى برەندكە يە بولعان. جاڭا برەندتەردىڭ سانى بويىنشا دۋبايدى تەك شياڭگاڭ (86 جاڭا برەند) ورتا جولدا قالدىرعان ەكەن. ال دۋباي ەكىنشى ورىننان كورىنگەن. ودان كەيىنگى ورىنعا تايۋاننىڭ تايبەي قالاسى (52) جايعاسقان، ءتورتىنشى ورىنعا لوندون (49) تابان تىرەگەن. ال بەسىنشى ورىندا توكيو (46) تۇر. ساراپشىلاردىڭ ەسەبىنشە، دۋبايدىڭ بولشەك ساۋدا نارىعى الداعى 5 جىل ىشىندە قازىرگى كورسەتكىشپەن سالىستىرعاندا 50 پايىزعا، ياعني، 1,5 ميلليون شارشى مەترگە ۇلعايادى.