كۋبادا اپاتقا ۇشىراعان ۇشاقتىڭ «قارا جاشىگى» تابىلدى
بۇل تۋرالى سەنبى كۇنى كۋبا تەليەۆيزياسىنىڭ ەفيرىندە وسى ەلدىڭ كولىك ءمينيسترى ادەل يسكەردو ءمالىم ەتتى، دەپ حابارلايدى تاسس.
«ءبىز «قارا جاشىكتەردىڭ» بىرەۋىن تاپتىق. ول جاقسى ساقتالعان. جۋىق ارادا ءبىز ونىڭ ەكىنشىسىن دە تابامىز دەگەن ۇمىتتەمىز»، - دەدى مينيستر.
اپاتتىڭ سەبەپ-سالدارى ازىرگە بەلگىسىز. كۋبانىڭ كولىك مينيسترلىگى وسى ءىستى تەكسەرۋمەن اينالىساتىن ارنايى كوميسسيا قۇردى.
Boeing 737 ۇشاعى گاۆاناداعى حوسە ارتي اتىنداعى اۋەجايدان ۇشىپ شىعا سالىسىمەن اپاتقا ۇشىراعان. لاينەردىڭ بورتىندا 111 ادام بولعان. ولاردىڭ 108 ى قازا بولدى. امان قالعانداردىڭ بارلىعى گاۆانا اۋرۋحانالارىندا جاتىر جانە بارلىعىنىڭ جاعدايى وتە اۋىر.
لاينەر گاۆانا- ولگين باعىتى بويىنشا ىشكى رەيسكە شىققان. ۇشاق گاۆانادان وڭتۇستىككە قاراي 20 ك م قاشىقتىقتا جاتقان اۋەجاي مەن سانتياگو- دە- لاس- ۆەگاس ەلدى مەكەنى اراسىنداعى اۋىل شارۋاشىلىعى اۋماعىنا قۇلادى.