كانن فەستيۆالىنىڭ جۇلدەگەرى سامال ەسلياموۆا: مەن جۇمىس بارىسىندا جۇلدە تۋرالى ويلاعان جوق ەدىم
بۇل تۋرالى ول جۋرناليستەرگە فەستيۆال لاۋرەاتتارىن ماراپاتتاۋ راسىمىنەن سوڭ ايتقان.
«كارتينا ءتۇسىرىلىپ جاتقاندا ونىڭ رەجيسسەردىڭ ويلاعانىنداي بولۋى نەمەسە ءبىزدىڭ كوڭىلىمىزدەن شىعۋى ماڭىزدى، ارينە. بۇل ءبىزدىڭ باستى ماقساتامىز بولاتىن، جانە وسى ماقسات ءبىزدى الدىعا جەتەلەپ وتىردى»، - دەدى ەسلياموۆا ءتۇسىرىلىم ءجۇرىپ جاتقاندا تۋىندى ءسىزدى ماراپاتقا جەتكىزەدى دەگەن وي بولدى ما، دەگەن ساۋالعا جاۋاپ بەرە وتىرىپ.
«ءبىز وسى كارتينا جولىندا وتە كوپ ەڭبەكتەندىك، ءبىز ءۇشىن ودان كەرەمەت فيلم شىعارۋ، ۇلكەن ونەر تۋىندىسىن جاساۋ ماڭىزدى بولدى»، - دەپ قوستى ول.
«ايكا» اتاۋى ونىڭ باستى كەيىپكەرىنىڭ ەسىمىمەن بايلانىستى قويىلعان الەۋمەتتتىك دراما. تۋىندى قىرعىزستاننان ماسكەۋگە زاڭسىز كەلىپ، تۇرىپ جاتقان ميگرانت قىزدىڭ ءومىرىن سۋرەتتەيدى. ونداعى باستى ءرولدى سامال ەسلياموۆا سومدايدى.
كانن فەستيۆالى مامىردىڭ 8-19 ارالىعىندا ءوتتى. كونكۋرستىڭ نەگىزگى باعدارلاماسى بويىنشا ۇزدىك فيلم اتاعى ءۇشىن 21 فيلم ساراپقا سالىندى.
فوتو: gettyimages.com