حالىقارالىق ارالاس جەكپە-جەك فەدەراتسياسى قازاقستاندى مويىندادى

استانا. قازاقپارات - حالىقارالىق م م ا فەدەراتسياسى قازاقستاننىڭ ۇلتتىق م م ا، پانكراتيون جانە گرەپپلينگ فەدەراتسياسىن مويىنداپ، حات جىبەردى، دەپ حابارلايدى «SPORTINFORM» س ا ا.

فەدەراتسيا پرەزيدەنتى ساعىندىق مەكەيەۆتىڭ اتىنا كەلگەن حاتتا قازاقستان فەدەراتسياسىن مويىنداۋ تۋرالى شەشىم فەدەراتسيانىڭ مۇشەلىگىنە قابىلداۋ جونىندەگى حالىقارالىق سپورت فەدەراتسيالارىنىڭ جاھاندىق قاۋىمداستىعى (GAISF) بەكىتكەن حالىقارالىق ستاندارتتارعا ساي قابىلدانعانى ايتىلعان.

ەسكە سالا كەتەيىك، بۇعان دەيىن حالىقارالىق م م ا فەدەراتسياسى (IMMAF) مەن بۇكىلالەمدىك م م ا قاۋىمداستىعى (WMMAA) ەكى ۇيىمنىڭ بىرىككەنى تۋرالى ءمالىم ەتكەن بولاتىن. بۇل م م ا- دىڭ رەسمي سپورت ءتۇرى رەتىندە بىرلەسكەنىن اڭعارتادى. ونىڭ ۇستىنە سپورتتىڭ وسى ءتۇرىن وليمپيادا قوزعالىسى اياسىنداعى سپورت ءتۇرى رەتىندە مويىندالۋىن جاقىنداتا ءتۇستى.