پرەزيدەنت ءبىرقاتار شەنەۋنىكتەرگە قاتاڭ سوگىس جاريالاعان

استانا. قازاقپارات - تۇرىكمەنستان قورعانىس مينيسترلىگىنىڭ ازاماتتىق قورعانىس جانە قۇتقارۋ جۇمىستارى باس باسقارماسىنىڭ باسشىسى قىزمەتىنەن بوساتىلدى.

ودان بولەك، پرەزيدەنت گۋربانگۋلى بەردىمۇحامەدوۆتىڭ وكىمىنە سايكەس جەتەكشى كورپۋستىڭ بىرنەشە مۇشەلەرىنە قاتاڭ سوگىس جاريالاندى، دەپ حابارلاندى تۇرىكمەنستان ۇكىمەتىنىڭ سايتىندا.

تۇرىكمەنستان پرەزيدەنتى جانە قارۋلى كۇشتەردىڭ جوعارعى باس قولباسشىسى گۋربانگۋلى بەردىمۇحامەدوۆ پودپولكوۆنيك ورازمەدوۆ روۆشەن نازار ۇلىن جۇمىستا ەلەۋلى كەمشىلىكتەرگە جول بەرگەنى ءۇشىن قورعانىس ءمينيسترىنىڭ ورىنباسارى - تۇرىكمەنستان قورعانىس مينيسترلىگى ازاماتتىق قورعانىس جانە قۇتقارۋ جۇمىستارى باس باسقارماسىنىڭ باسشىسى قىزمەتىنەن بوساتۋ تۋرالى قاۋلىعا قول قويدى.

ودان بولەك، جەتەكشى كورپۋستىڭ بىرنەشە مۇشەلەرىنە قاتاڭ سوگىس جاريالاندى.

تۇرىكمەنستان پرەزيدەنتى جانە قارۋلى كۇشتەردىڭ جوعارعى باس قولباسشىسى گۋربانگۋلى بەردىمۇحامەدوۆتىڭ وكىمىمەن لاۋازىمدىق مىندەتتەرىن تيىسىنشە ورىنداماي، قاراماعىنداعى جەكە قۇرام قىزمەتىن باقىلاۋدا كەمىشىلىكتەرگە جول بەرگەن قورعانىس ءمينيسترى بەرديەۆ يايلىم ياگمىر ۇلىنا قاتاڭ سوگىس جاريالاندى.

پرەزيدەنت گۋربانگۋلى بەردىمۇحامەدوۆتىڭ وكىمىمەن ءوز مىندەتتەرىن ورىنداماي، قىزمەتتە ورەسكەل كەمشىلىكتەر جىبەرگەنى ءۇشىن تومەندەگى تۇلعالارعا قاتاڭ ەسكەرتۋ جاريالاندى:

مينيسترلەر كابينەتى ءتوراعاسىنىڭ ورىنباسارى امانگەلديەۆ داداباي ساپار ۇلىنا؛

اشحاباد قالاسىنىڭ اكىمى دۋردىلىيەۆ شامۋحاممەدكە؛

كوممۋنالدىق شارۋاشىلىق ءمينيسترى ابيلوۆ مىراتنياز يازمۋحاممەد ۇلىنا؛

«Тürkmenhowaýollary»  قىزمەتىنىڭ باسشىسى سابۋروۆ دوۆران رەيمباي ۇلىنا؛

تۇرىكمەنستان پرەزيدەنتى اپپاراتى مەن تۇرىكمەنستان مينيسترلەر كابينەتى باسقارماسىنىڭ مەڭگەرۋشىسى حاجىمىرادوۆ حادجىمىرات يسكاندەر ۇلىنا.

 

فوتو: www.azernews.az