قازاقستان پرەزيدەنتى كۋبا حالقىنا كوڭىل ايتتى

  استانا. قازاقپارات - نۇرسۇلتان نازاربايەۆ كۋبا رەسپۋبليكاسى مەملەكەتتىك كەڭەسىنىڭ جانە مينيسترلەر كەڭەسىنىڭ ءتوراعاسى ميگەل ماريو دياس- كانەل بەرمۋدەسكە كوڭىل ايتۋ جەدەلحاتىن جولدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

مەملەكەت باسشىسى گاۆانا قالاسىنىڭ ماڭىندا جولاۋشىلار ۇشاعىنىڭ اپاتقا ۇشىراۋى سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.

«وسىناۋ قيىن ساتتە، قازا بولعانداردىڭ تۋىستارى مەن جاقىندارىنىڭ، سونداي- اق بارلىق كۋبا حالقىنىڭ قايعىسىنا ورتاقتاسىپ، قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. زارداپ شەككەندەردىڭ ءبارىنىڭ تەزىرەك ساۋىعىپ، وتباسىلارىنا ورالۋىنا تىلەكتەستىك بىلدىرەمىن» ، - دەلىنگەن جەدەلحاتتا.