جاڭاقورعانداعى مەكتەپ اسحاناسىندا بالالار استان ۋلاندى

None
None
  جاڭاقورعان. قازاقپارات - 2018 -جىلدىڭ 18 - مامىرى كۇنى قىزىلوردا وبلىسى جاڭاقورعان اۋدانى، كەلىنتوبە اۋىلىنداعى №192 ورتا مەكتەپتىڭ 25 وقۋشىسى جاپپاي تاماقتان ۋلاندى.

 ولاردىڭ دەنساۋلىعىنا ءتونىپ تۇرعان ەشقانداي قاۋىپ جوق، دەپ حابارلايدى قازاقپارات ءتىلشىسى.

بۇل جونىندە وبلىستىق دەنساۋلىق ساقتاۋ باسقارماسى حابارلادى. ەپيدەميولوگيالىق تەكسەرۋ جاپپاي ۋلانۋعا تاماققا قوسىلعان قاراقۇمىق جانە جۇمىرتقانىڭ سەبەپ بولعانىن كورسەتتى. تاماقتى ىشكەن بالالار 2-3 ساعاتتان سوڭ- اق، اۋرۋ بەلگىلەرىمەن كەلىنتوبە اۋىلدىق دارىگەرلىك امبۋلاتورياعا مەديتسينالىق كومەككە جۇگىنگەن. ولارعا العاشقى دارىگەرلىك كومەك كورسەتىلدى.

ورتالىق اۋداندىق اۋرۋحاناعا 4 بالا جەتكىزىلدى. سول ساتتەگى بالالاردىڭ جاعدايى ورتاشا دەڭگەيدە بولعان، جۇرەك اينىپ، ىشتەرى وتكەن.

«بۇگىنگى تاڭدا، 21 بالانىڭ جاعدايى قاناعاتتانارلىق، ولار ۇيلەرىندە مەديتسينالىق باقىلاۋدا. اۋرۋ وشاعى بولعان جەردە زەرتتەۋ جۇرگىزىلۋدە، ازىق- تۇلىكتەر تەكسەرىلۋدە، قورشاعان ورتادان باكتەريولوگيالىق قالدىقتار، اسحانادان باكتەريولوگيالىق جۇعىندى الىنۋدا» ، - دەيدى وبلىستىق دەنساۋلىق ساقتاۋ باسقارماسىنىڭ باسشىسى اقمارال ءالنازاروۆا.

ازىرشە ولارعا الدىن الا سالمونەللا تۋدىرعان تاعامدىق تاكسوينفەكتسيا دياگنوزى قويىلدى.

 

ءادىلجان ۇمبەت

سوڭعى جاڭالىقتار