قازاقتىڭ كونە ءبيى «جورعا ايۋ» شاڭحاي ساحناسىن باعىندىردى - شەتەلدەگى قازاق ءتىلدى ب ا ق- قا شولۋ

None
None
 استانا. قازاقپارات - «قازاقپارات» ح ا ا ادەتتەگىدەي شەتەلدە قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

تاشكەنتتە تۇركىنىڭ ۇلىقتارى ارداقتالدى - TRT

Қазақтың көне биі «ЖорÒ

 2018 -جىلدى اباي جىلى دەپ جاريالاعان وزبەكستاننىڭ باس قالاسى تاشكەنتتە «وزبەك ءتىلىنىڭ تۇركولوگيا الەمىندەگى ءرولى جانە حالىقارالىق ىنتىماقتاستىقتىڭ مۇمكىندىكتەرى» اتتى كونفەرەنتسيا بولىپ ءوتتى. بۇل تۋرالى وسى اپتادا تۇركيا تەلە- راديو مەكەمەسىنىڭ پورتالى حابارلادى.

حالىقارالىق تۇركى اكادەمياسى جانە تاشكەنت مەملەكەتتىك وزبەك ءتىلى جانە ادەبيەتى ۋنيۆەرسيتەتى بىرىگىپ ۇيىمداستىرعان عىلىمي كونفەرەنتسياعا ۋنيۆەرسيتەت رەكتورى پروفەسسور شۋحرات سيرودجەددينوۆ، تۇركى اكادەمياسىنىڭ باسشىسى، پروفەسسور دارحان قىدىرالى، ۋنيۆەرسيتەت لاۋازىمدىلارى، عالىمدار، قوناقتار مەن ستۋدەنتتەر قاتىستى. كونفەرەنسيانىڭ بەتاشار بايانداماسىن وقىعان رەكتور سيرودجەددينوۆ اكادەميا مەن ۋنيرۆەرسيتەت اراسىندا وتكىزىلگەن كونفەرەنتسيانىڭ وتە ماعىنالى جانە ماڭىزدى ەكەنىن اتاپ ءوتتى.

كونفەرەنتسيادا تۇركى الەمىنىڭ رۋحاني دامۋى جونىندەگى تاقىرىپتارمەن قوسا اتاقتى اقىن- جازۋشىلار الىشەر ناۋاي، ماعجان جۇمابايەۆ جانە شىڭعىس ايتماتوۆتىڭ شىعارماشىلىقتارى جايىندا ءسوز بولدى. كونفەرەنتسياداعى ايىرىقشا ماڭىزدى وقيعا - حالىقارالىق تۇرىك اكادەمياسى تاراپىنان وزبەك تىلىنە اۋدارىلعان ماعجان جۇمابايەۆتىڭ «تاڭدامالى ولەڭدەر» كىتابى دا تانىستىرىلدى. شارا بارىسىندا ماعجان جۇمابايەۆتىڭ ولەڭدەرىن وزبەك تىلىندە سويلەتكەن قاراقالپاقستاندىق اقىن مۋحاففار احماد پەن جۇمابايەۆتىڭ ادەبي شىعارماشىلىعى جونىندە عىلىمي تۇردە شۇعىلدانعان پروفەسسور ناسيمحان راحمانوۆ كۇمىس مەدالمەن ماراپاتتالدى.

«كونفەرەنتسيا سوڭىندا اكادەميا مەن الىشەر ناۋاي مەملەكەتتىك وزبەك ءتىلى جانە ادەبيەتى ۋنيۆەرسيتەتى اراسىندا قازاقتىڭ ۇلى اقىنى ابايدىڭ ولەڭدەرىنىڭ وزبەك تىلىنە اۋدارىلۋى جانە تۇركولوگيا سالاسىندا ىنتىماقتاستىقتى ارتتىرۋ جونىندە حاتتاماعا قول قويىلدى» دەپ تۇيىندەيدى تۇركيالىق ب ا ق.

 قازاقتىڭ كونە ءبيى «جورعا ايۋمەن» شاڭحاي ساحناسىن باعىندىرعان ونەرپاز - قىتايدىڭ «ورتالىق حالىق راديوسى»

Қазақтың көне биі «ЖорÒ

  «جورعا ايۋ» ءبيى - قازاق ۇلتىنىڭ كوشپەندى ومىرىندەگى اڭىزعا اينالعان ۇلتتىق ءبيى، اڭشىلىق ءومىردىڭ اينىماس تۋىندىسى ءارى حالقىمىزدىڭ ساحارالىق تۇرمىسىندا «قارا جورعامەن» ۇقساس كەڭ كولەمدە تارالعان ۇلتتىق قۇندىلىقتارىنىڭ ءبىرى. ءبىزدىڭ سوزگە تيەك ەتپەگىمىز قازاقتىڭ كونە ءبيى «جورعا ايۋدى» حالىق اراسىنان ساحناعا كوتەرىپ، اتالعان بي تۋرالى ارناۋلى زەرتتەۋلەر جۇرگىزىپ كەلگەن قىتايدىڭ گانسۋ ولكەسى اقساي قازاق اۆتونوميالى اۋدانىنان شىققان حالىق ونەرپازى ءاشىم بيداقان ۇلى تۋرالى بولماق. بۇنداي حابار وسى اپتادا قىتايدىڭ «ورتالىق حالىق راديوسى» اقپاراتتىق اگەنتتىگىندە حابارلانعان بولاتىن.

ءاشىم بيداقان ۇلى 1972 -جىلى دۇنيە ەسىگىن اشقان، گانسۋ ولكەسى اقساي اۋدانىنىڭ تۋماسى. كىشكەنتايىنان كوركەمونەرگە دەگەن اۋەسىن بىلگەن اكەسى ونى ونەرگە بەيىمدەپ تاربيەلەيدى. 1979 -جىلى اقساي اۋداندىق ۇكىمەت ۇيىمداستىرعان شوپانداردىڭ مادەنيەت جانە سپورت مەرەكەسىندە اكەسى بيداقان «جورعا ايۋ» ءبيىن العاش رەت ساحىناعا بيلەپ شىعادى. ءسويتىپ، بۇل قىزىقتى بيگە ءاشىم بالا جاسىنان قۇمارتىپ وسەدى. ءاشىم بيداقان ۇلى نەگىزگى ماماندىعى تىكەلەي بي بولماسادا، «مۋزىكا نازارياسى» دەگەن ماماندىقتى مۋزىكا كوللەدجىنەن وقىپ بىتىرگەن. وقۋىن تامامداعان سوڭ، جەكە كاسىپكەرلىكپەن اينالىسىپ، العان ماماندىعى بويىنشا جۇمىس ىستەمەسە دە «جورعا ايۋدى» ەشۋاقىتتا نازارىنان تىس قالدىرماعان. ول ۇلتتىق بيگە دەگەن ىشكى ماحابباتىنىڭ اسەرىنەن، وسى ءبيدى باسىندا اۋدانارالىق جارىستارعا قاتىسۋدان باستاسا، كەيىننەن مەملەكەتتىك مادەني فەستيۆالدارعا دەيىنگى ۇلكەن دەڭگەيدەگى ساحنالارعا الىپ شىقتى.

2015 -جىلى قىتايدىڭ مەملەكەتتىك كوكتەم مەرەكەسى قارساڭىندا، سانى از ۇلتتاردىڭ ۇلتتىق مادەنيەتىن قىتايدىڭ الىپ مەگاپوليسى شانحاي ساحناسىندا بەكارىس ەرباق ۇلىمەن بىرگە «جورعا ايۋدى» بيلەپ شىعادى. ءسويتىپ، ول ۇلتتىق ءبيدى ۇلكەن ساحنادا كۇللى قىتاي ەلىنە كورسەتىپ، قازاق ۇلتىنىڭ مادەنيەتىن تانىستىرىپ، حالىقتىڭ العىسىنا بولەنگەن. سول جولعى كونسەرتتە ول «گانسۋ ولكەلىك ماتەريالدىق ەمەس مادەني مۇرا قورعاۋشىسى» دەگەن ماراپات بەلگىسىن الادى.

«ءاشىم بيداقان ۇلى «جورعا ايۋ» ءبيىن قاراپايىم حالىقتىڭ اراسىنان ۇلكەن ساحناعا كوتەرگەن بىردەن- ءبىر ونەرپاز» ، - دەپ جازادى اتالعان اقپارات كوزى. ءبيشى ءاشىمنىڭ پىكىرىنشە، «ايۋ ءبيى» مەن «جورعا ايۋ» ءبيى ەكى ءتۇرلى ءبي.

«جالپى «ايۋ ءبيى» قازاق حالقى جاساعان ورتالاردا ساحناعا شىعىپ كەلگەن، وزىنە تاۋەلدى ارنايى مۋزىكاسى، كۇيى بولماعان، كونە زامانداردا ءارتۇرلى كۇيلەرگە بيلەنگەن. مۇندا اسىرەسە دومبىرانىڭ سول بۇراۋىنداعى كۇيلەرگە ءجيى بيلەنىپ كەلگەن. ال مەنىڭ ساحناعا الىپ شىققان «جورعا ايۋىم» حالىق اراسىندا تاۋەلدى كۇيى بار، ول «جورعا ايۋ كۇيى» دەپ اتالادى. مەن وسى كۇيدىڭ ريتم- ىرعاعىنا قاراي ساحناعا الىپ شىقتىم» دەيدى حالىق اراسىنان شىققان ءبيشى ءاشىم.

ونەرىن كوكەيىندە بەرىك ساقتاپ، حالىق قازىناسى بولعان ۇلتتىق ءبيدى مۇنان دا بيىك ساحنالاردا كورسەتۋدى ارمانداعان ازامات «جورعا ايۋ» ءبيىن جالعاستىرۋ، دامىتۋ تۋرالى ءوز ارمانى بار ەكەنىن ايتادى.

«بۇل «جورعا ايۋ» ءبيىن، ياعني وسى ءبىر كوركەمونەرلىك مۇرامىزدى قازىرگى زاماننىڭ ءتيىمدى ورايىنان پايدالانىپ، جەكە ءوز ۇلتىمىزدان تىس، ەلىمىزگە، ءتىپتى الەمگە تانىستىرۋ ءۇشىن، تەك اقسايدا عانا ەمەس، شىڭجاڭ سەكىلدى قازاق ۇلتى كوپ قونىستانعان جەرلەردە دە كوپ شاكىرت تاربيەلەمەكشىمىن» دەگەن ءبيشى ارمانىمەن تۇيىندەيدى kazakcnr.com اقپاراتتىق پورتالى.

 

الەمنىڭ 50 گە جۋىق مەملەكەتىنەن وكىلدەر استاناعا جينالدى - «جەنمين جيباو» (People Daily)

 null

«ءبىر بەلدەۋ- ءبىر جول» حالىقارالىق فورۋمى 14 - مامىر كۇنى قازاقستاننىڭ ەلورداسى استانا قالاسىندا اشىلدى. اتالعان حالىقارالىق فورۋمنىڭ ماقساتى «ءبىر بەلدەۋ - ءبىر جولدى» بىرلىكتە قۇرۋ، دەپ حابارلايدى قىتايلىق kazakh.people.com.cn سايتى.

«بۇل حالىقارالىق فورۋمدا «سەرىكتەستىك: كەدەن، سالىق جانە بيزنەس» نەگىزگى تاقىرىپ بولىپ، قازاقستان مەملەكەتتىك كىرىس كوميتەتى، قىتاي مەملەكەتتىك سالىق ىستەر باس مەكەمەسى، ەكونوميكالىق ىنتىماقتاستىق جانە دامىتۋ ۇيىمى قاتارلى قاتىستى قۇرىلىمدار اتالعان ءماجىلىستى بىرلىكتە ۇيىمداستىردى. ءسويتىپ، استاناداعى حالىقارالىق جينالىسقا الەمنىڭ 50 گە جۋىق مەملەكەتىنەن جانە حالىقارالىق ۇيىمىنان كەلگەن 200 دەن استام وكىل قاتىناستى» دەپ تولىقتىرادى قىتايلىق اقپارات كوزى.

استانادا وتەتىن بۇل فورۋم 3 كۇنگە جالعاساتىنىن، وندا سالىقتىڭ ىنتىماقتاستىق مەحانيزمى، سالىق زاڭى، سالىقتىق قىزمەت كورسەتۋ، وعان قاتىستى تۇيىتكىلدى ماسەلەردى شەشۋ جانە ءار ەلدەردىڭ سالىق قۋاتىنىڭ جۇيەسى قاتارلى مازمۇندار توڭىرەگىندە ءوزارا پىكىر الماستىراتىنىن ايتادى اتالعان ب ا ق.

اقپاراتتىڭ سوڭى ق ر پرەمەر- ءمينيسترىنىڭ ورىنباسارى ەربولات دوسايەۆتىڭ «ءبىر بەلدەۋ - ءبىر جول» جوباسى مەن قازاقستاننىڭ «نۇرلى جول» باعدارلاماسى اياسىندا ايتقان پىكىرىمەن تۇيىندەلگەن.

موڭعوليا پرەزيدەنتى بايان- ولگەيدە بارىپ قايتتى - kaznews.mn

 null

موڭعوليا پرەزيدەنتى حالتمااگين باتتۋلگا بايان- ولگەي ايماعىنا جۇمىس ساپارىمەن بارىپ، ولگەي قالالىق قۇرمانحان اتىنداعى مۋزىكالى دراما تەاترىندا حالىقپەن كەزدەسۋ وتكىزدى. بۇل تۋرالى kaznews.mn اقپاراتتىق پورتالى حابارلاعان ەدى.

اتالعان اقپارات كوزىنىڭ مالىمەتىنە سۇيەنسەك، بايان- ولگەي ايماعىنىڭ حالقى 101,5 مىڭ، مال سانى 2,2 ميلليونعا جەتىپ وتىر. ال، ستاتيستيكالىق مالىمەتتەرگە جۇگىنسەك 1000 عا جۋىق ادام ەڭبەك نارىعىندا بەلسەندى جۇمىس ىزدەۋشى دەپ تىركەلگەن. جۇمىسسىزداردىڭ باسىم بولىگىن 15-34 جاستاعى ازاماتتار قۇراعان.

«مونگولبانك مالىمەتى بويىنشا، 2018 -جىلى بانكتەردەگى قارىز 132,6 ميلليارد توگروگتى قۇراسا، ۋاقىتىلى قايتارىلماعانى 4,5 ميلليارد توگروگ بولعان. ونىڭ 1,8 ميلليارد توگروگى ناشار كرەديت بولىپ ەسەپتەلگەن. ال، ازاماتتاردىڭ بانكتەگى جيناق قورى 86,4 ميللياردقا جەتىپ، وتكەن جىلعى كورسەتكىشتەن% 16,5 ارتقان» ، - دەپ جازادى موڭعوليالىق ب ا ق.

 اراسان اۋدانىنداعى تاۋەشكى لاعى- تيان- شان پورتالى

 null

قىتايدىڭ بۇراتالا وبلىسىنا قاراستى (قازاقستانمەن شەكارالاس - اۆت. ) اراسان اۋدانىنداعى سۋلى بەيجىڭ تاۋىندا فوتو ءتىلشى ويلاماعان جەردەن تۋعانىنا ساناۋلى كۇن عانا بولعان تاۋەشكىنىڭ لاعىن سۋرەتكە ءتۇسىرىپ العان. ونىڭ جايناعان كوزدەرى مەن سۇيكىمدى دە قاعىلەز ارەكەتى كورگەن جاندى وزىنە باۋراماي قويمايدى. بۇل تۋرالى اقپارات قىتايلىق تيان- شان پورتالىندا جاريالاندى.

فوتو ءتىلشى مەملەكەتتىك ءبىرىنشى دارەجەلى قورعالاتىن جابايى تاۋەشكىنى، اسىرەسە جاڭا تۋعان تاۋەشكىنىڭ لاعىن سۋرەتكە ءتۇسىرۋ كەز كەلگەن ادامعا كەزىگە بەرمەيتىن وراي ەكەنىن ايتادى.

«تاۋەشكى جىل سايىن ءساۋىر، مامىر ايلارىندا تولدەيدى. ولار جاراتىلىس زاڭدىلىعىنا ساي قۇزار شىڭ، جالاما جارتاستارعا بارىپ لاقتايدى جانە جاڭا تۋعان ءتولىن تاستا جۇرگىزىپ ۇيرەتەدى. وسىلاي ىستەۋمەن ءوز جاۋلارىنان لاقتارىن امان الىپ قالادى. تاۋەشكىلەر مەكەندەيتىن جەرلەرگە ادەتتە ادام اياعى دا وڭايلىقتا جەتە بەرمەيدى. سوندىقتان دا فوتوسۋرەتشىلەر ءۇشىن تاۋەشكى لاعىن سۋرەتكە ءتۇسىرىپ الۋ ءساتى سيرەك كەزدەسەدى» دەپ جازادى kazakh.ts.cn اقپاراتتىق پورتالى.
 Қазақтың көне биі «Жорға аю» Шанхай сахнасын бағындырды - Шетелдегі қазақ тілді БАҚ-қа шолу
Қазақтың көне биі «Жорға аю» Шанхай сахнасын бағындырды - Шетелдегі қазақ тілді БАҚ-қа шолу
Қазақтың көне биі «Жорға аю» Шанхай сахнасын бағындырды - Шетелдегі қазақ тілді БАҚ-қа шолу
Қазақтың көне биі «Жорға аю» Шанхай сахнасын бағындырды - Шетелдегі қазақ тілді БАҚ-қа шолу

 

 اۆتور: بەيسەن سۇلتان

سوڭعى جاڭالىقتار