09:59, 19 - مامىر 2018 | GMT +6
كۋبادا بوينگ ۇشاعى اپاتقا ۇشىرادى
استانا. قازاقپارات - كۋبانىڭ Cubana de Aviacion كومپانياسىنا تيەسىلى Boeing-737 ۇشاعى حوسە مارتي اتىنداعى گاۆانا حالىقارالىق اۋەجايىنان ۇشىپ شىققان كەزدە اپاتقا ۇشىرادى، دەپ حابارلايدى قازاقپارات CNN اگەنتتىگىنە سىلتەمە جاساپ.
ۇشاقتىڭ بورتىندا 104 ادام بولعان، اۋە كەمەسى كۋبانىڭ ولگين قالاسىنا رەيسكە اتتانعان.
قازىرگى ۋاقىتتا حوسە مارتي اتىنداعى اۋەجايدىڭ ۇستىندە قويۋ قارا ءتۇتىن كورىنەدى. اپات بولعان جەرگە ءورت سوندىرۋشىلەر مەن جەدەل جاردەم قىزمەتكەرلەرى اتتاندىرىلعان.
اپاتتىڭ نەدەن بولعانى ازىرگە بەلگىسىز. سونداي- اق قۇربان بولعانداردىڭ سانى دا ءالى ناقتىلانباعان.