شەت ءتىلدى قاي جاستان باستاپ ۇيرەنگەن ءجون؟
ولار 17-18 جاس ارالاعىنداعى جاسوسپىرىمدەردىڭ شەت ءتىلىن ۇيرەنۋ مۇمكىندىگى جوعارى ەكەنىن العا تارتادى. وعان دالەل - اعىلشىن ءتىلى گرامماتيكاسىن قانشالىقتى بىلەدى دەگەن تاقىرىپتا جۇرگىزىلگەن ونلاين ءارى تاۋەلسىز تەست.
سىناققا ءار ءتۇرلى جاستاعى ءتۇرلى ۇلت وكىلدەرىنەن 670000 عا جۋىق ادام قاتىسقان. تەست حالىق كوپ شوعىرلانعان الەۋمەتتىك جەلى Facebook پاراقشاسىندا جاريالاندى.
قولدانۋشىلارعا بەرىلگەن سويلەمدى تۇزەتۋ ۇسىنىلدى: «Yesterday John wanted to won the race».
قاتىسۋشىلارعا ودان بولەك جاستارىن كورسەتۋ، قانشا جىلدان بەرى اعىلشىن ءتىلىن ۇيرەنىپ جۇرگەنى جانە قايدان ۇيرەنگەنىن تولتىرۋ مىندەتتەلدى. ءتىل سىناعىنان سۇرىنبەي وتكەن 246000 ادام اعىلشىن تىلىندە سويلەيتىن مەملەكەتتە وسكەن جانە تەك قانا اعىلشىن ءتىلىن بىلەدى. قاتىسۋشىلاردىڭ اراسىندا انا ءتىلى فين، نەمىس، تۇرىك جانە ورىس تىلىنە جاتاتىن ۇلت وكىلدەرى ءجيى كەزدەسكەن. تەستكە قاتىسقان ادامداردىڭ كوپشىلىگى 20 مەن 30 جاس ارالىعىندا بولسا، ەڭ جاسى - 10 دا، ال ەڭ كارى قاتىسۋشىنىڭ جاسى 80 دە بولعان. زەرتتۋشىلەر تەست قورىتىندىسىن ساراپتاۋ ارقىلى، گرامماتيكانى بالا كەزىندە جاقسى مەڭگەرەتىنىن، ال ءجاسوسپىرىم شاقتا ەكپىنى ازايا تۇسەتىنى، ال 20 جاستان اسقان سوڭ وقۋ مۇلدەم قيىندايتىنىن اڭعارعان. ءتىلدى ۇيرەنۋ بالا كەزدە جەڭىل بولعانىمەن، جاس ارتقان سايىن قيىنداي تۇسەدى. دەگەنمەن عالىمدار ەرەسەكتەر دە جاڭا ءتىلدى ۇيرەنە الاتىنىن، تەك وعان كوبىرەك كۇش سالۋ كەرەكتىگىن العا تارتادى.
18 جاستان اسقان سوڭ بايقالاتىن وقۋعا دەگەن بەلسەندىلىكتىڭ تومەندەۋىنىڭ ناقتى سەبەبىن عالىمدار ءالى تولىقتاي انىقتاي الماي وتىر. ءبىراق مۇنىڭ ءبارى ەرەسەك ادامنىڭ ميى بالامەن سالىستىرعاندا اسىقپاي وزگەرىسكە ۇشىرايتىنى مەن بەيىمدەلۋ قابىلەتىنىڭ تومەندىگىمەن بايلانىستىرادى. سونىمەن قاتار بۇل سىناق تەك گرامماتيكاعا عانا جۇرگىزگەلگەنىن ەسكەرسەك، الەمدە گرامماتيكاسى ناشار بولسا دا ەمىن- ەركىن ادامدارمەن ارالاسىپ، ويىن اشىق بىلدىرەتىن ادامداردىڭ بارىن دا ەستەن شىعارماعان ءجون.
Massaget.kz