نەلىكتەن قاتتى تەرلەيسىز؟

نۇر-سۇلتان. قازاقپارات - تەرلەۋ ادامدى دەنە قىزۋىنىڭ كوتەرىلۋىنەن قۇتقارادى، ءبىراق كەيدە ول ۇلكەن ماسەلەگە اينالادى.

كۇندەلىكتى ومىردە تەرشەڭ الاقانمەن امانداسۋعا ىڭعايسىزدانۋ، ءار تاڭدا توسەكتىڭ قاتتى ىلعال بولۋى جانە باسقا دا جاعىمسىز جاعدايلار ورىن الادى. نەلىكتەن قاتتى تەرلەۋىڭىز مۇمكىن؟

1 . تۇقىم قۋالاۋشىلىق. ادامداردىڭ %3 ى جوعارى تەرشەڭدىكپەن (عىلىمي اتاۋى - گيپەرگيدروز) گەنەتيكالىق ەرەكشەلىكتەرگە بايلانىستى اۋىرادى. بۇل قاتارعا كىرسەڭىز، ۋايىمداماڭىز. تەرشەڭدىكتى ءتۇرلى پاستا، جاقپا ماي، ۆاننالارمەن ازايتۋعا بولادى. ءتىپتى، ارنايى وتا - سيمپاتيكالىق دىڭگەكتى الىپ تاستاۋ (سيمپاتەكتوميا) بار. ول كەزدە تەر بولىنۋگە جاۋاپ بەرەتىن جۇيكە جۇيەسى بۇزىلادى. ءبىراق بۇل پروتسەدۋرا ەشقانداي باسقا ادىستەر كومەكتەسپەيتىن كەزدە عانا جاسالادى.

2. كۇيزەلىس. ادامدار كۇيزەلىس پەن جابىرقاۋلى جاعدايدا تەرلەيدى. ەگەر مازاسىزدىق پەن جامان كوڭىل كۇي (سونىمەن بىرگە قولتىقتىڭ تەرلەۋى) كەتپەسە، ءومىر ىرعاعىن وزگەرتۋ كەرەك.

3. ارتىق سالماق. مۇنداي جاعداي دا ءجيى بولادى: ۇلكەن دەنە كوپ جىلۋ وندىرەدى، ال ماي قاباتى ونىڭ شىعۋىنا مۇمكىندىك بەرمەيدى. مۇنداي جاعدايدا سالقىنداۋدىڭ جالعىز جولى - تەرلەۋ.

4. دارىلەر. تەرشەڭدىكتى ءجيى انتيبيوتيكتەر، كۇيزەلىسكە قارسى جانە قىزۋ تۇسىرەتىن قۇرالدار شاقىرادى. كۋرس اياقتالعان سوڭ، بارلىعى قالپىنا كەلەدى.

5. جۇكتىلىك. جۇكتىلىك كەزىندە گورموندى فون وزگەرەدى، سوندىقتان مايلى جانە تەر بەزدەرى بەلسەندى بولا تۇسەدى. جاعداي ەكىنشى تريمەستردە (شامامەن جۇكتىلىكتىڭ 4-5-ايىنان باستاپ) دۇرىستالۋى كەرەك. اعزا وزگەرىسكە بەيىمدەلىپ، تەر شىعۋ قالپىنا كەلەدى.

6. تاماق تانۋ. شاراپ، اشى جانە ىستىق تاعام، كوفە جانە ءتاتتى گازدالعان سۋسىن - بۇل ونىمدەردەن باس تارتقان ءجون. ولار تەر بولىنۋىنە ىقپال ەتەدى.

7. تەمەكى تارتۋ. كوپ جىلدىق تەمەكى تارتۋدان سوڭ كەيدە قان توقتاپ قالۋ جانە ۇساق قان تامىرلارىنىڭ قىسىلۋى بولادى. سول ءۇشىن تەر بەزدەرىنىڭ جۇمىسى بۇزىلادى.

8. اۋرۋ. ەگەر سىزگە بۇل سەبەپتەردىڭ ەشقايسىسى كەلمەسە، دارىگەرگە قارالىڭىز. كەيدە جوعارى تەرشەڭدىك - ول قاۋىپتى اۋرۋلاردىڭ بەلگىسى. مىسالى، قالقانشا بەزدىڭ جوعارى فۋنكتسياسى كەزىندە ادام سۋىق اۋا رايىندا دا ىستىقتايدى.

Massaget.kz