قازاقستاندىق بال قىتايعا ەكسپورتتالماق

 تالدىقورعان. قازاقپارات - قازاقستاندىق بال وندىرۋشىلەر قىتاي نارىعىنا شىعۋعا مۇددەلى. ول ءۇشىن بال وڭدەيتىن كاسىپورىنداردىڭ تەحنولوگياسى حالىقارالىق تالاپتارعا ساي بولۋى ءتيىس، دەپ حابارلايدى قازاقپارات ءتىلشىسى.

كورشى ەلدەن كەلگەن ساراپشىلار ەلىمىزدىڭ ءۇش وڭىرىندە بولىپ، ومارتاشىلاردىڭ جۇمىسىمەن تانىستى. ماماندار الماتى وبلىسىنداعى «لەپسى ونىمدەرى» بال زاۋىتىندا اسەلدى ىدىستارعا قۇيۋ، قوراپتارعا سالۋ پروتسەستەرىن كورىپ شىقتى. بۇل كاسىپورىن 2016 -جىلى ىسكە قوسىلعان. العاشقى كەزەڭدە 40 توننا بال وندىرسە قازىر ءونىم كولەمىن 300 تونناعا جەتكىزۋ جوسپارلانىپ وتىر. اسەلدەن بولەك مۇندا جابايى جەمىس- جيدەكتەردەن ءتۇرلى توساپ، شىرىندار شىعارىلادى.

«قىتاي ساراپشىلارىنىڭ تەكسەرۋىنىڭ ناتيجەسى بويىنشا قازاقستاندىق ومارتا شارۋاشىلىقتارى قىتاي حالىق رەسپۋبليكاسىنا يمپورتتاۋعا قۇقىعى بار كاسىپورىندار تىزىمىنە ەنگىزۋگە مۇمكىندىگى بار» ، - دەدى ق ر ا ش م دەپارتامەنت ديرەكتورىنىڭ ورىنباسارى ولجاس اۋسابايەۆ.