ا ق ش- تا مەكتەپتىڭ ۇستىنە قارۋ- جارىق كونتەينەرى قۇلادى

 استانا. قازاقپارات ا ق ش- تا تەحاس شتاتىنىڭ ەل- پاسو قالاسىنداعى باستاۋىش مەكتەپتىڭ شاتىرىنا اسكەري ۇشاقتان قارۋ- جاراق سالىنعان كونتەينەر قۇلادى.

 بۇل تۋرالى ريا نوۆوستي باسىلىمى KTSM تەلەارناسىنا سىلتەمە جاساپ حابارلادى.

يسلەت مەكتەپ وكرۋگى باسپا ءسوز حاتشىسىنىڭ ايتۋىنشا، جاعداي بەيسەنبى كۇنى شامامەن ساعات 15.45 تە (استانا ۋاقىتىمەن ساعات 2.45) بولعان. ەشكىم زارداپ شەكپەدى.

فورت- بليسس اسكەري بازا وكىلدەرىنىڭ حابارلاۋىنشا، جەرگىلىكتى پوليتسيا كونتەينەردى قاۋىپسىز جەرگە قويدى جانە جاقىن ارادا اسكەريلەرگە بەرەدى.

«مەن كورشى تۇرعان باستاۋىش مەكتەپكە شىعىن كەلگەنى ءۇشىن كەشىرىم سۇرايمىن جانە ەشكىمنىڭ زارداپ شەكپەگەنىنە وتە قۋانىشتىمىن» ، - دەدى اسكەري اۆياتسيا بريگاسىنىڭ كومانديرى دجەي حوپكينس.

فورت- بليسس تەرگەۋ جۇرگىزىپ جاتىر جانە بولاشاقتا مۇنداي جاعداي بولماۋى ءۇشىن ۇشۋ سحەماسىن قايتا قاراپ شىعادى.

Baq.kz