قازاقستان ەلشىسى يرلانديا پرەزيدەنتىنە سەنىم گراموتالارىن تاپسىردى

None
None
استانا. قازاقپارات - قازاقستاننىڭ يرلاندياداعى ەلشىسى قىزمەتىن قوسا اتقارۋشى ەرلان ىدىرىسوۆ يرلانديا پرەزيدەنتى مايكل حيگگينسكە سەنىم گراموتالارىن تاپسىرىپ، پرەزيدەنت نۇرسۇلتان نازاربايەۆتىڭ سالەمىن جەتكىزدى.

 سالتاناتتى راسىمنەن كەيىن بولعان ەكىجاقتى كەزدەسۋدە ساۋدا- ەكونوميكالىق جانە ينۆەستيتسيالىق ىنتىماقتاستىق، IT- يندۋستريا، ساندىق جۇيەگە كوشۋ، سونداي- اق ءبىلىم بەرۋ جانە يننوۆاتسيالار سالالارىنداعى ءوزارا ءىس- قيمىل ماسەلەلەرى تالقىلاندى.

قازاقستاندىق ديپلومات م. حيگگينستى ەلىمىزدە قازاقستاندى جاڭعىرتۋ باعدارلامالارى اياسىندا بولىپ جاتقان اۋقىمدى ەكونوميكالىق جانە ساياسي رەفورمالارمەن جانە مەملەكەت باسشىسىنىڭ «؟تورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ باستى تەزيستەرىمەن تانىستىرىپ، «استانا» حالىقارالىق قارجى ورتالىعى، سونداي- اق «ەكسپو-2017» كورمەسى نەگىزىندە قۇرىلعان «جاسىل» تەحنولوگيالار ورتالىعى جانە حالىقارالىق IT- ستارتاپتار پاركى تۋرالى ايتىپ بەردى.

يرلانديا پرەزيدەنتى م. حيگگينس قازاقستاننىڭ مەملەكەت باسشىسىنىڭ جەتەكشىلىك ەتۋىمەن قارقىندى دامىپ كەلە جاتقاندىعىن اتاپ ءوتىپ، ەلىمىزدىڭ حالىقارالىق بەيبىتشىلىك پەن قاۋىپسىزدىكتى نىعايتۋداعى رولىنە جوعارى باعا بەردى.

ە. ىدىرىسوۆ يرلاندياعا ساپارى اياسىندا، سونداي- اق يرلانديا سىرتقى ىستەر مينيسترلىگىنىڭ باس حاتشىسى جانە ساياسي ديرەكتورى نيال بەردجەسپەن، مينيسترلىكتىڭ ب ۇ ۇ ۇيلەستىرۋشى ديرەكتورى ف. سميتپەن جانە يرلانديالىق بيزنەس قاۋىمداستىق وكىلدەرىمەن كەزدەسۋلەر وتكىزدى.

كەزدەسۋلەر بارىسىندا يرلانديانىڭ رەسمي جانە ىسكەر توپتارى قازاقستاننىڭ ورتالىق ازيانىڭ ەكونوميكالىق دامۋ لوكوموتيۆى، كوپتەگەن حالىقارالىق جوبالاردىڭ باستاماشىسى ەكەندىگىن، تۇراقتىلىق پەن ينتەگراتسيالىق پروتسەستەر ورتالىعىنا جانە جاھاندىق ساياسي جانە ەكونوميكالىق ءىس- شارالاردى وتكىزۋ ورنىنا اينالعاندىعىن اتاپ ءوتتى.

 ءوز كەزەگىندە، ە. ىدىرىسوۆ يرلاندياعا قازاقستاننىڭ ب ۇ ۇ قاۋىپسىزدىك كەڭەسىنە كانديداتۋراسىن قولداعانى ءۇشىن تاعى دا العىس ءبىلدىرىپ، ەلىمىزدىڭ اتالعان ۇيىمداعى قىزمەتىنىڭ تابىستى قورىتىندىلارى جونىندە حاباردار ەتتى. سونىمەن بىرگە، يرلانديانىڭ مەملەكەتتىك دەڭگەيدە يننوۆاتسيالاردى باسقارۋدىڭ بىرەگەي قۇرىلىمىن دامىتۋداعى ەداۋىر تاجىريبەسىن ەسكەرە وتىرىپ، ەلشى قازاقستاننىڭ ءبىلىم بەرۋ IT- باعدارلامالارى، ستارتاپ ونەركاسىبى مەن ينوۆاتسيالاردى دامىتۋ سالالارىنداعى ەكىجاقتى ىنتىماقتاستىققا ەرەكشە قىزىعۋشىلىق تانىتىپ وتىرعاندىعىن اتاپ ءوتىپ، ەكىجاقتى شارتتىق- قۇقىقتىق بازانى ودان ءارى كەڭەيتۋ قاجەتتىگىنە توقتالدى.

سوڭعى جاڭالىقتار