قازاقستاندا تۇڭعىش رەت حوككەيدەن الەم چەمپيوناتى وتەدى

 استانا. قازاقپارات - قازاقستاندا تۇڭعىش رەت حوككەيدەن الەم چەمپيوناتى وتەدى، دەپ حابارلايدى قازاقپارات ءتىلشىسى.

قازاقستان تاريحتا العاش رەت حوككەيدەن ەرلەر كوماندالارى اراسىنداعى الەم چەمپيوناتىنىڭ ا ديۆيزيونىن قابىلدايدى. بۇل تۋرالى قازاقستان حوككەي فەدەراتسياسىنىڭ رەسمي سايتى جازدى.

 كەشە، ياعني 17 - مامىر كۇنى حالىقارالىق حوككەي فەدەراتسياسىنىڭ كونگرەسى (IIHF) جىل سايىنعى سەزى باستالعان بولاتىن. وندا حوككەيدەن ەرلەر كوماندالارى اراسىنداعى الەم چەمپيوناتىنىڭ ا ديۆيزيونىن وتكىزۋ مارتەبەسى قازاقستان مەن سلوۆەنيا حوككەي فەدەراتسياسىنا ۇسىنىلدى.

بۇگىن، 18- مامىردا IIHF كونگرەسىنە قاتىسۋشى ەلدەر داۋىس بەرىپ، ناتيجەسىندە قازاقستان جارىستى وتكىزۋ مارتەبەسىنە يە بولدى. ەندى، اتالعان دودا استاناداعى «بارىس ارەنادا» وتەتىن بولادى.

 ايتا كەتەيىك، الەم چەمپيوناتى 2019 -جىلى 29 -ءساۋىر مەن 5 -مامىر ارالىعىندا وتەدى دەپ جوسپارلانعان.