داريعا نازاربايەۆا مۇعالىمدەر مەن دارىگەرلەرگە باسپانا باعدارلاماسىن قۇرۋدى ۇسىندى

استانا. قازاقپارات - ق ر پارلامەنتىنىڭ دەپۋتاتى داريعا نازاربايەۆا «نۇرلى جەر» تۇرعىن ءۇي قۇرىلىسى باعدارلاماسىن جۇزەگە اسىرۋ بارىسىمەن تانىستى، دەپ حابارلايدى قازاقپارات ءتىلشىسى.

دوڭگەلەك ۇستەل بارىسىندا داريعا نازاربايەۆا مۇعالىمدەر مەن دارىگەرلەرگە ارنايى باسپانا باعدارلاماسىن قۇرۋدى ۇسىندى.

«حالىقتى باسپانامەن قامتۋ باعدارلامالارى بويىنشا باياندامالاردان جالپى جاعدايدى كورگەن جوقپىن، قانشا ادام باسپاناعا مۇقتاج. قاي ساناتتاعى ادامدار الەۋمەتتىك وسال بولىپ سانالاۋى كەرەك؟ دارىگەرلەر مەن مۇعالىمدەردىڭ مۇمكىندىكتەرى قانداي؟ بۇل دا ۇلكەن ازاماتتىق سەكتور، ولار باسپانا الۋدا ءبىرقاتار قيىندىقتارعا تاپ كەلەدى. بىردە-ءبىر باعدارلاما ولاردىڭ باسپانا ماسەلەسىن شەشە العان جوق. ەڭبەك اقىلارى ايتارلىقتاي تومەن، مەملەكەتتىك قىزمەتشىلەردى دە وسى ساناتقا جاتقىزۋعا بولادى. ولارعا ارنالعان تۇرعىن ءۇي باعدارلاماسى جوق. باسپانامەن قامتۋداعى جالپى جاعدايلارى قالاي، قازاقستاننىڭ بارلىق ساناتىنداعى ازاماتتار قاشان باسپانامەن تولىق قامتىلادى؟»، - دەپ سۇراق قويدى داريعا نازاربايەۆا.

«كەي مۇعالىمدەردى ۇيدەگى وتاعالارى باسپانامەن قامتاماسىز ەتۋى مۇمكىن. ەندى ءبىر مۇعالىمدەر بۇكىل وتباسىن اسىراۋعا ءماجبۇر. ولارعا قالاي كومەكتەسەمىز؟ مەنىڭ ۇسىنىسىم - اسكەريلەر سەكىلدى، مۇعالىمدەر مەن دارىگەرلەرگە دە ارنايى باسپانا بەرۋ باعدارلاماسى جاسالۋى ءتيىس. بۇل وتە وزەكتى ماسەلە، قانشا شارشى مەتر باسپانا سالساق تا، وزەكتى كۇيىندە قالىپ وتىر»، - دەدى داريعا نازاربايەۆا.

ق ر ينۆەستيتسيالار جانە دامۋ ۆيتسە-ءمينيسترى قايىربەك وسكەنبايەۆتىڭ ايتۋىنشا، قازىرگى ۋاقىتتا 468 مىڭ ادام اتقارۋ ورگاندارىندا باسپانا كەزەگىندە تۇر. ال 1 ميلليون 96 مىڭ ادام - «تۇرعىن ءۇي قۇرىلىس جيناق بانكى» سالىمشىلارىنىڭ قاتارىندا.