باسپانانى الىپ-ساتۋ قۇنى وسپەيدى - ق ر ۇلتتىق بانكى

None
None
استانا. قازاقپارات - «7-20-25» تۇرعىن ءۇي قۇرىلىسى باعدارلاماسىن جۇزەگە اسىرۋدا باسپانانى الىپ-ساتۋ باعاسى قىمباتتامايدى.

بۇل تۋرالى ق ر ۇلتتىق بانكى ءتوراعاسىنىڭ ورىنباسارى ولەگ سمولياكوۆ ءمالىم ەتتى، دەپ حابارلايدى قازاقپارات ءتىلشىسى.

ونىڭ ايتۋىنشا، باعدارلامادا باسپانانىڭ شەكتى باعاسى كورسەتىلگەن. اتاپ ايتقاندا، استانا، الماتى، اقتاۋ، اتىراۋ قالالارىندا بۇل كورسەتكىش - 25 ميلليون تەڭگەدەن، ال وڭىرلەردە - 15 ميلليون تەڭگەدەن اسپاۋى ءتيىس.

«بۇل سومالاردى انىقتاۋ ءۇشىن جەرگىلىكتى اتقارۋ ورگاندارىمەن بەلسەندى جۇمىس ىستەدىك. ءبىزدىڭ ويىمىزشا، بۇل باعالار قازىرگى نارىقتىق جاعدايلار مەن باسپانا نارىعىنا سايكەس كەلەدى»، - دەپ اتاپ ءوتتى و. سمولياكوۆ سەناتتا «نۇرلى جەر» تۇرعىن ءۇي قۇرىلىسى باعدارلاماسىن جۇزەگە اسىرۋ بارىسىنا ارنالعان دوڭگەلەك ۇستەلدە.

ايتا كەتەيىك، ولەگ سمولياكوۆ مامىر ايىنىڭ سوڭىنا دەيىن ق ر ۇلتتىق بانكى «7-20-25» باعدارلاماسىنىڭ نەگىزگى باعىتتارىن بەكىتەتىنىن مالىمدەدى.

ونىڭ ايتۋىنشا، بۇل باعدارلاما مەملەكەتتىك قىزمەتكەرلەرگە دە، كاسىپكەرلەرگە دە ارنالعان.

اۆتور: ايجان سەرىكجان قىزى

سوڭعى جاڭالىقتار