+7 (701) 759 90 19 Лента
0 °С : استانا
2 °С : الماتى
USD 369.98 EUR 428.70
RUB 5.64 CNY 53.48
جاڭالىقتار

باتىرحان شۇكەنوۆكە ارنالعان «وتان-انا» بايقاۋىنىڭ جەڭىمپازدارى بەلگىلى بولدى

18 مامىر 12:30 488
:ءبولىسۋ
باتىرحان شۇكەنوۆكە ارنالعان «وتان-انا» بايقاۋىنىڭ جەڭىمپازدارى بەلگىلى بولدى

قىزىلوردا. قازاقپارات - قىزىلوردا قالاسىندا ءانشى-كومپوزيتور باتىرحان شۇكەنوۆتى ەسكە الۋعا ارنالعان «وتان-انا» رەسپۋبليكالىق انشىلەر بايقاۋى مارەسىنە جەتتى.

باس جۇلدە وڭتۇستىك قازاقستان وبلىسىنىڭ كەنتاۋ قالاسىنان كەلگەن ەرىك تولەنوۆكە بۇيىردى، دەپ حابارلايدى قازاقپارات ءتىلشىسى.

ونەر بايقاۋىندا ەلىمىزدىڭ ءبىرقاتار وڭىرلەرىنەن كەلگەن 16-30 جاس ارالىعىنداعى 130 دان استام جاستار سىنعا ءتۇستى. ولار العاشقى كەزەڭىندە ەركىن تاقىرىپتا ءان شىرقاسا، كەلەسى كەزەڭدە باتىرحان شۇكەنوۆتىڭ رەپەرتۋارىنان ءبىر ءان ورىندادى. ءادىلقازىلار القاسىنىڭ قۇرامىندا كومپوزيتور، پروديۋسەر رينات گايسين، ءانشى- كومپوزيتور رۇستەم نۇرجىگىت، ق ر ەڭبەك سىڭىرگەن قايراتكەرى ديلناز احماديەۆا جانە پروديۋسەر، ب. شۇكەنوۆ اتىنداعى قوردىڭ ديرەكتورى ولجاس بايقانوۆ بولدى.

ايتا كەتەرلىگى، بايقاۋدا مينۋسوۆكادا بەك-ۆوكالدى قولدانۋعا رۇقسات بەرىلگەن جوق. بۇل ونەرپازداردىڭ تابيعي داۋىسىن، شىنايىلىعىن ءادىل تارازىلاۋعا مۇمكىندىك تۋعىزدى.

«باتىرحان اعامىز ءاردايىم جاستارعا ۇلگى بولا ءبىلدى. بۇگىنگى بايقاۋدا قوبالجىعانىم راس. ويتكەنى، ول كىسى ورىنداعان اندەر - دەڭگەيى وتە جوعارى تۋىندىلار»، دەدى بايقاۋدىڭ باس جۇلدەسىن يەلەنگەن ە. تولەنوۆ.

قازىلار القاسىنىڭ شەشىمىمەن ءبىرىنشى ورىن گۇلنار كوشەنوۆاعا بۇيىرسا، ەكىنشى ورىندى اقتوبەلىك ايىمبەك سارتۋكوۆ الدى. ۇزدىك ۇشتىكتى ينديرا بايىمبەتوۆا تۇيىندەدى. وزگە دە ونەرپازدارعا ارنايى ماراپاتتار تابىستالدى.

«ونىڭ جۇلدىزدى ءومىرى بىزگە ونەرگە دەگەن قىزمەتتىڭ جارقىن ۇلگىسىن كورسەتتى. باتىرحاننىڭ ەڭبەك سۇيگىشتىگىن بارلىعىمىز ونەگە تۇتامىز»، دەدى ر. گايسين.

ءبىز بۇدان بۇرىن باتىرحان شۇكەنوۆتىڭ ەش جەردە ورىندالماعان 13 ءانى جيناقتالعان جاڭا البومى جارىققا شىعاتىنىن حابارلانعان ەدىك.

بۇگىن، 18- مامىردا تۇستەن كەيىن قىزىلوردا قالاسىندا ب. شۇكەنوۆكە ارنالعان ەسكەرتكىش اشىلادى دەپ كۇتىلۋدە.


باستى سوزدەر: مادةنيةت, ايماق,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات