گولوۆكين بەلبەۋلەرىمەن فوتوسەسسيا جاسادى

استانا. قازاقپارات - WBA Super، WBC، IBF جانە IBO تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكين (38-0-1، 34 ك و) سانتا-مونيكاداعى (ا ق ش، كاليفورنيا شتاتى) Wild Card West بوكس كلۋبىندا وتكەن فوتوسەسسياعا قاتىستى، دەپ حابارلايدى Sports.kz GGG- ءدىڭ ۆكونتاكتەدەگى رەسمي توبىنا سىلتەمە جاساپ.

قازاقستاندىق بوكسشى ءوزىنىڭ بارلىق بەلبەۋلەرىمەن سۋرەتكە ءتۇستى.

ەسكە سالايىق، 5- مامىردا گولوۆكين چەمپيوندىق تيتۋلدارىن جيىرماسىنشى رەت قورعاپ، ولاردىڭ سانى بويىنشا اتى اڭىزعا اينالعان بەرنارد حوپكينسپەن تەڭ ءتۇستى. گەننادي وسى كورسەتكىشكە قول جەتكىزۋ ءۇشىن امەريكالىققا قاراعاندا، ەكى جىل از ۋاقىت جۇمساعان: گولوۆكين 2010-2018-جىلدارى تيتۋلدىق قورعاۋ وتكىزدى، حوپكينس - 1995 تەن 2005-جىلعا دەيىن.

گولوۆكين ءوزىنىڭ سوڭعى ايقاسىندا امەريكالىق ۆانەس مارتيروسياندى (36-4-1، 21 ك و) ەكىنشى راۋندا نوكاۋتقا جىبەردى. بۇل گەنناديدىڭ كاسىبي مانسابىنداعى 34-ۋاقىتىنان بۇرىن اياقتالعان جەڭىسى بولدى.