قازاقستاندا ۇيالى بايلانىس قىمباتتاپ كەتتى
بۇل تۋرالى Ranking.kz ساراپشىلارىنىڭ زەرتتەۋىندە ايتىلادى.
ساراپشىلاردىڭ مالىمەتىنشە، ءتورت ايدا ۇيالى بايلانىس وپەراتورلارى 73,1 ميلليارد تەڭگەگە قىزمەت كورسەتكەن.
«ۇيالى بايلانىسقا قىزمەت كورسەتۋ كولەمىنىڭ ءوسۋى ابونەنتتەر سانىنىڭ وسۋىمەن بايلانىستى. بيىل كوكتەمدە ءۇش ءىرى ۇيالى بايلانىس وپەراتورىنىڭ ەكەۋى - Tele-2 مەن Beeline وزدەرىنىڭ قىزمەتتەرىنىڭ تاريفتەرىن 10 پايىزعا دەيىن كوتەردى. وپەراتورلار ابونەنتتەرىنە قىزمەت باعاسى قىمباتتايتىنى جايلى جانە موبيلدىك ينتەرنەت-پاكەتتەردىڭ ابونەنتتىك تولەمى وسەتىنىن حابارلاعان»، - دەيدى ساراپشىلار.
سونداي-اق، 2018 -جىلدىڭ ءساۋىر ايىنداعى جاعداي بويىنشا، ۇيالى بايلانىس ابونەنتتەرىنىڭ سانى 26,5 ميلليونعا جەتكەنى ايتىلادى. ساراپشىلاردىڭ ايتۋىنشا، بىلتىر بۇل كورسەتكىش 25,4 ميلليون بولعان. ولاردىڭ جارتىسىنان كوبى (50,5 پايىزى) ينتەرنەتكە قوسىلعان.