+7 (701) 759 90 19 Лента
0 °С : استانا
2 °С : الماتى
USD 369.98 EUR 428.70
RUB 5.64 CNY 53.48
جاڭالىقتار

ب ۇ ۇ ارنايى ەلشىسى استانا پروتسەسىنىڭ كەزەكتى كەزەڭىنە وڭ باعا بەردى

18 مامىر 10:58 517
:ءبولىسۋ
ب ۇ ۇ ارنايى ەلشىسى استانا پروتسەسىنىڭ كەزەكتى كەزەڭىنە وڭ باعا بەردى

استانا. قازاقپارات - قازاقستان دەلەگاتسياسى سيرياداعى ساياسي احۋال بويىنشا ب ۇ ۇ قاۋىپسىزدىك كەڭەسىنىڭ كەزەكتى وتىرىسىنا قاتىستى.

بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتى حابارلايدى.

باس حاتشىنىڭ سيريا بويىنشا ارنايى ەلشىسى ستاففان دە ميستۋرا قاۋىپسىزدىك كەڭەسىنىڭ مۇشەلەرىنە 14-15- مامىردا استانادا وتكەن سيرياارالىق كەلىسسوزدەردىڭ توعىزىنشى كەزەڭىنە قاتىسقانى تۋرالى ايتتى.

ب ۇ ۇ- نىڭ ارنايى ەلشىسى جوعارى دەڭگەيدەگى 9-استانا ءماجىلىسى اياسىنداعى دەەسكالاتسيا ماسەلەسىنە، اسىرەسە يدليب ماسەلەسىنە قاتىستى پىكىرتالاستار كوڭىلىنەن شىققاندىعىن جەتكىزدى.

ديپلومات وپپوزيتسيا مەن ۇكىمەت ۇستانىمدارىن جاقىنداستىرۋ تۇرعىسىنان سيرياارالىق كەلىسسوزدەردىڭ ناتيجەلەرىن پايدالى دەپ اتادى جانە كەزدەسۋدى جوعارى دەڭگەيدە ۇيىمداستىرعانى ءۇشىن قازاقستان باسشىلىعىنا ريزاشىلىعىن ءبىلدىردى.

س. دە ميستۋرا سيريا شيەلەنىسىن شەشۋ بويىنشا ساياسي پروتسەستىڭ قىزا تۇسەتىندىگىنەن ۇمتتەنەتىندىگىن ايتىپ، بارلىق مۇددەلى تاراپتاردى وسى باعىتقا كۇش سالۋعا شاقىردى.

ونىڭ پىكىرىنشە، مۇددەلى تاراپتارمەن قولعا الاتىن «جوعارى ديپلوماتيانىڭ» ۋاقىتى جەتتى، جوعارى دەڭگەيدەگى كەزدەسۋلەر سيرياداعى بەيبىت ءومىردى قالپىنا كەلتىرۋگە ىقپال ەتۋى كەرەك.

ب ۇ ۇ جانىنداعى قازاقستاننىڭ تۇراقتى وكىلى قايرات وماروۆ ءوز سوزىندە قاۋىپسىزدىك كەڭەسىنىڭ مۇشەلەرىنە سيرياارالىق كەلىسسوزدەردىڭ 9-كەزەڭىنىڭ قورىتىندىسى تۋرالى مالىمەت بەرىپ ءوتتى. سونىمەن قاتار ول اتالعان ماسەلەلەرمەن قاتار تاراپتار استانادا وتكەن سوڭعى 8 راۋندتىق قورىتىندىلار بويىنشا قول جەتكىزىلگەن كەلىسىمدەردىڭ جۇزەگە اسىرىلۋىن قاداعالاۋدى قامتاماسىز ەتۋ ماسەلەسى تالقىلانعاندىعىن جەتكىزدى.


:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات