ەلباسى ستيۆ ۆوزنياكپەن كريپتوۆاليۋتالاردى دامىتۋ پەرسپەكتيۆالارىن تالقىلادى
نۇرسۇلتان نازاربايەۆ استانا ەكونوميكالىق فورۋمىنا قاتىسۋعا كەلگەنى ءۇشىن س. ۆوزنياكقا ريزاشىلىق ءبىلدىرىپ، ونىڭ پلەنارلىق وتىرىستا سويلەگەن ءسوزىنىڭ مازمۇندى ءارى وزەكتى بولعانىن ايتتى.
قازاقستان پرەزيدەنتى ەميسسيالىق ورتالىقتار ارقىلى باقىلانبايتىن كريپتوۆاليۋتالاردىڭ پايدا بولۋ سەبەبى الەمدە ءبىر عانا ۆاليۋتانىڭ ۇستەمدىك ەتۋىنە بايلانىستى ەكەنىن ايتتى. مەملەكەت باسشىسى قازاقستان ەسەپ ايىرىسۋ كەزىندە ۇلتتىق ۆاليۋتامەن قاتار باسقا دا ۆاليۋتالاردى پايدالاناتىنىن اتاپ ءوتتى.
س. ۆوزنياك وسىنداي جوعارى دەڭگەيدەگى ءىس-شاراعا قاتىسۋعا، جاھاندىق سىن-تەگەۋرىندەرگە قاتىستى ءوز ويىن ورتاعا سالۋعا مۇمكىندىك بەرگەنى ءۇشىن نۇرسۇلتان نازاربايەۆقا العىس ءبىلدىردى.
«ۆاليۋتالاردىڭ سىمسىز بايلانىستان ايىرماشىلىعى، ەشقاشان ۋنيۆەرسالدى بولعان ەمەس. دەي تۇرعانمەن، كريپتوۆاليۋتالاردىڭ ۇلكەن ارتىقشىلىعى ولاردىڭ باقىلاۋعا الىنبايتىندىعىندا، دامۋىنىڭ تەجەلمەيتىندىگىندە جانە ۋنيۆەرسالدى ءارى جاھاندىق ۆاليۋتاعا اينالاتىندىعىندا»، - دەدى كومپانيا جەتەكشىسى.
كەزدەسۋ بارىسىندا تاراپتار سيفرلاندىرۋدىڭ جەكەلەگەن ماسەلەلەرىن جانە كريپتوۆاليۋتالاردى دامىتۋ پەرسپەكتيۆالارىن تالقىلادى.