جاس ءوسپىرىمدى ۇرعان دەپۋتات ۆيدەوعا ءتۇسىپ قالدى
اندرەي ودينسوۆ ەلديگينو اۋىلىنداعى مەكتەپ ستاديونىن سالىپ جاتقان مەردىگەرلەردىڭ جۇمىسىن باقىلاۋشى بولعان. وسى كەزدە تريبۋنادا دەنە شىنىقتىرۋ ساباعىنان بوساتىلعان بىرنەشە وقۋشى وتىرعان. دەپۋتات ولاردى شۋلادى دەپ، ەسكەرتۋ جاساعان.
ءوز كەزەگىندە بالالار ەشكىمگە كەدەرگى كەلتىرىپ وتىرماعانىن ايتىپ شىعا كەلگەن، وسى كەزدە ودينسوۆ ولاردىڭ بىرىنە جاقىندايدى. سوندا بالالاردىڭ ءبىرى «مەنى ۇراسىز با؟ بۇل قىلمىس» دەيدى. دەپۋتات بۇل سوزگە شىداماي جاس ءوسپىرىمنىڭ بەتىنەن شاپالاقپەن ۇرادى. وقيعانى كۋاگەرلەر ۆيدەوعا ءتۇسىرىپ الىپ، دەنە شىنىقتىرۋ ءپانىنىڭ وقىتۋشىسىنا شاعىمدانعان. كەيىن دەپۋتات مەكتەپ ديرەكتورىمەن دە كەلىسىمگە كەلە الماعان. دەپۋتات «جاستارمەن قالاي جۇمىس ىستەۋ كەرەكتىگىن بىلەتىنىن» جانە كەشىرىم سۇرامايتىنىن مالىمدەگەن. بالانىڭ اتا-اناسى بولسا سوتقا جۇگىنبەك.