+7 (701) 759 90 19 Лента
20 °С : استانا
20 °С : الماتى
USD 328.31 EUR 386.62
RUB 5.27 CNY 51.49
جاڭالىقتار

استانالىق «ارلاندار» ۇلى بريتانيا كومانداسىن ۇتىپ، فينالعا جاقىندادى

18 مامىر 09:59 589
:ءبولىسۋ
استانالىق «ارلاندار»  ۇلى بريتانيا كومانداسىن ۇتىپ، فينالعا جاقىندادى

استانا. قازاقپارات - بۇكىل الەمدىك بوكس سەرياسىنىڭ جارتىلاي فينالىنداعى «Astana Arlans» پەن «British Lionhearts» كوماندالارى اراسىنداعى العاشقى كەزدەسۋدە وتانداستارىمىز جەڭىسكە جەتتى، دەپ حابارلايدى قازاقپارات ءتىلشىسى.

جارتىلاي فينالدىق كەزەڭنىڭ العاشقى ايقاسىن سىرت الاڭدا، ياعني ۇلى بريتانيانىڭ شەففيلد قالاسىندا وتكىزگەن جەرلەستەرىمىز جەرگىلىكتى بوكسشىلاردى 3:2 ەسەبىمەن ۇتىپ، فينالعا ءبىر تابان جاقىنداي ءتۇستى.

قازاقستاندىق كوماندا قاتارىندا ءىلياس سۇلەيمەنوۆ، ءدىلمۇرات ءماجىتوۆ جانە ءابىلحان امانقۇل قارسىلاسىنان باسىم تۇسسە، وكىنىشكە قاراي اربەك ابدۋعانييەۆ پەن تەمىرتاس ءجۇسىپوۆ قارسىلاستارىنا جول بەردى.

ايتا كەتەيىك، جەكپە-جەك كەشىن «حابار» ارناسى تىكەلەي ەفيردە تاراتتى.

ەندى، ەكىنشى قارىمتا ايقاس 26- مامىردا اتىراۋداعى «جايىق» سپورت كەشەنىندە وتەدى.

ەستەرىڭىزگە سالا كەتەيىك، «استانا ارلاندارى» وسىعان دەيىن بۇكىل الەمدىك بوكس سەرياسىن ءۇش رەت جەڭىپ العان بولاتىن. مۇنداي جەتىستىككە ءالى ەشبىر كوماندا جەتىپ كورگەن ەمەس.

قازاقستاندىقتار العاشقى چەمپيوندىق اتاققا 2013-جىلى قول جەتكىزدى، ەكىنشى رەت اراعا ءبىر جىل سالىپ، 2015-جىلى تاعى دا باس جۇلدەنى قانجىعاسىنا بايلادى. ال ءۇشىنشى رەت وتكەن 2017-جىلى تاعى دا جەڭىسىن تويلادى. سونداي-اق، 2011-جىلى ەكىنشى ورىنعا، 2012، 2014 جانە 2016-جىلدارى ۇزدىك ءۇشىنشى ورىندارعا قول جەتكىزدى. مىنە، بيىل تاعى دا جارتىلاي فينالعا شىعىپ وتىر.

اۆتور: كۇنسۇلتان وتارباي


باستى سوزدەر: سپورت,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات