+7 (701) 759 90 19 Лента
20 °С : استانا
20 °С : الماتى
USD 328.31 EUR 386.62
RUB 5.27 CNY 51.49
جاڭالىقتار

قىتايلىق كومپانيا اقمولا ەكونوميكاسىنا ينۆەستيتسيا سالۋعا نيەتتى

18 مامىر 10:30 729
:ءبولىسۋ
قىتايلىق كومپانيا اقمولا ەكونوميكاسىنا ينۆەستيتسيا سالۋعا نيەتتى

كوكشەتاۋ. قازاقپارات - قىتايلىق ينۆەستور اقمولا وبلىسىنىڭ اۋىل شارۋاشىلىعى سالاسىنا ينۆەستيتسيا سالۋعا قىزىعۋشىلىق تانىتىپ وتىر.

بۇل تۋرالى ايماق باسشىسى مالىك مىرزاليننىڭ قىتايدىڭ ءىرى مەملەكەتتىك ينۆەستيتسيالىق كورپوراتسياسىنىڭ وكىلدەرىمەن وتكەن كەزدەسۋىندە ايتىلدى، دەپ حابارلايدى قازاقپارات ءتىلشىسى اكىمدىكتىڭ باسپا ءسوز قىزمەتىنە سىلتەمە جاساپ.

ەسكە سالا كەتەيىك، وتكەن جىلدىڭ كۇزىندە اقمولا وبلىسىنىڭ اكىمى مالىك مىرزالين جۇمىس ساپارىمەن قىتاي ەلىنىڭ استاناسى بەيجىڭدە بولىپ، جەرگىلىكتى ينۆەستورلار جانە ونەركاسىپتىك قۇرىلىمداردىڭ وكىلدەرىمەن كەزدەسۋ وتكىزگەن بولاتىن. بۇل جولى سول كەزدەسۋدىڭ جالعاسى رەتىندە قىتايدىڭ «CITIC» ينۆەستيتسيالىق كورپوراتسياسىنىڭ وكىلدەرىنەن قۇرالعان دەلەگاتسيا اقمولا وبلىسىنا كەلىپ وتىر.

ينۆەستيتسيا تارتۋ ەلىمىزدىڭ سىرتقى ساياساتتاعى باستى باعىتتارىنىڭ ءبىرى. وسى رەتتە، ەلىمىزدەگى استىقتىڭ 25 پايىزىن وندىرەتىن اقمولا وبلىسىنا قىتايدىڭ ءىرى كومپانيالارى قىزىعۋشىلىق تانىتىپ وتىر.

كەزدەسۋدە ايماق باسشىسى مەن قىتايلىق «CITIC» كوپوراتسياسىنىڭ وكىلى گەي كايحۋا وڭىردە مال شارۋاشىلىعى، ەگىنشىلىك سالاسىن ودان ءارى دامىتۋ مۇمكىندىكتەرىن قاراستىردى. قىتايلىقتار ءوڭىر ەكونوميكاسىنا ينۆەستيتسيا سالۋعا قىزىعۋشىلىقتارى جوعارى ەكەنىن اتاپ ءوتتى.


باستى سوزدەر: ئقپالداستئق,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات