+7 (701) 759 90 19 Лента
20 °С : استانا
20 °С : الماتى
USD 328.31 EUR 386.62
RUB 5.27 CNY 51.49
جاڭالىقتار

تۇرىك دارىگەرلەرى اقتوبەلىكتەرگە تەگىن وتا جاسادى

18 مامىر 08:31 576
:ءبولىسۋ
تۇرىك دارىگەرلەرى اقتوبەلىكتەرگە تەگىن وتا جاسادى

اقتوبە. قازاقپارات - اقتوبەگە تۇركيانىڭ بىلىكتى دارىگەرلەرى كەلدى. قاتەرلى ىسىك، بۋىن اۋرۋلارىنا وتا جاساپ، بالالارعا ەم كورسەتتى، دەپ حابارلايدى قازاقپارات ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ.

اقتوبەگە تۇركيا دارىگەرلەرى كەلىپ، ەكى كۇن بويى ناۋقاستارعا ەم كورسەتتى. ءسۇت بەزى اۋرۋىنا شالدىققان ناۋقاستارمەن كەزدەسىپ، ارىپتەستەرىنە شەبەرلىك ساباقتارىن وتكىزىپ، دەرتتى ەمدەۋدىڭ جاڭا ادىستەرىمەن ءبولىستى.

اقتوبە مەديتسينالىق ورتالىعىنا انكارا قالاسىنداعى باشكەنت ۋنيۆەرسيتەتى، مەديتسينالىق ورتالىعىنىڭ پروفەسسورلارى، ونكولوگ، ترانسپلانتولوگ، ماممولوگ سەدات يلدىرىم مەن پلاستيكالىق، بەت-جاق سۇيەك حيرۋرگى احمەت چاگري ۋيسالبەس كەلىپ، ەكى بالاعا وتا جاسادى.

سونىمەن قاتار، بەت-جاق سۇيەگىنىڭ بۋىندارى مەن سۇيەكتەرىنىڭ تۋا ءبىتتى پوتولوگياسىمەن اۋىراتىن ەمدەلۋشىنى تەكسەردى. ەكى كەزەڭدىك وتادان تۇراتىن ەمدەۋدىڭ ناقتى جوسپارى جاسالدى. ءسۇت بەزى اۋرۋى بار وزگە ەمدەلۋشىگە دەنە مۇشەسىن ساقتايتىن وتا جاسالادى. بارلىق وتانى تۇركيادان كەلگەن ماماندار تەگىن جاساپ جاتىر.

«باقىتتى بالا» اكسياسى اياسىندا اۋىر پوتولوگياسى بار تاعى بەس بالاعا تۇركياداعى باشكەنت ۋنيۆەرسيتەتى جانىنان وتا جاسالادى. بالالاردىڭ جولى مەن ەمدەلۋىنە كەتەتىن شىعىندى قابىلدايتىن تاراپ ءوزى كوتەرەدى. تۇرىك دارىگەرلەرى وبلىستىق دەنساۋلىق ساقتاۋ باسقارماسىنىڭ ۇيىمداستىرۋىمەن ءبىرىنشى رەت كەلىپ تۇرعان جوق. الداعى ۋاقىتتا حالىققا تەگىن كەڭەس بەرۋ، وتا جاساۋ، جەرگىلىكتى مامانداردى ەمدەلۋدىڭ زاماناۋي ادىستەرىنە ۇيرەتۋ سەكىلدى اكسيالاردى جۇمىس اتقارىلادى»، - دەپ حابارلادى وبلىس اكىمىنىڭ باسپا ءسوز قىزمەتى حابارلاماسىندا.

اۆتور: التىناي ساعىندىقوۆا


باستى سوزدەر: ئقپالداستئق, ايماق,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات