سيفرلاندىرۋ قازاقستانعا نە بەرەدى - بريتاندىق ساياساتكەر پىكىرى
«قازاقستانداعى سيفرلاندىرۋدىڭ كەلەشەگى وتە زور، سەبەبى وعان جەتەكشىلىك ەتۋدە وتە دۇرىس تاسىلدەر جاسالىپ كەلەدى، باسىمدىقتار الدىن الا انىقتالادى. سىزدەردىڭ قالالارىڭىزدا جاقسى سيفرلىق ينفراقۇرىلىم بار. ەندىگى قاجەتتى كومپونەنت سەنىم مەن مىقتى ماماندار بولماق. سونداي- اق، اقپاراتتىق قاۋىپسىزدىك پەن كادرلىق ساياسات جۇمىستارى دا قاجەت دەپ ويلايمىن»، - دەدى ول قازاقپارات تىلشىسىنە بەرگەن سۇحباتتا.
سونداي- اق، ل. ماكسۆەلل سيفرلاندىرۋدى تولىق جۇزەگە اسىرعاندا مەملەكەتكە قانداي پايدا كەلەتىنىن ايتتى.
«سيفرلىق ۇكىمەت قاراجاتتى ۇنەمدەيدى جانە شىن مانىندە حالىق ءۇشىن جۇمىس ىستەيتىن ۇكىمەتكە اينالادى. سيفرلىق ەكونوميكا ۇنەمى جۇمىس ورىندارىمەن قامتاماسىز ەتەدى. ۇلىبريتانيادا ورتاشا جالاقى جىلىنا 25000 - 27000 فۋنت ستەرلينگ بولسا، سيفرلىق ەكونوميكادا - 41000 فۋنت. وسىلايشا، سيفرلىق ەكونوميكادا جۇمىس ىستەۋ ارقىلى كوبىرەك قاراجات تابۋعا بولادى»، - دەدى بريتاندىق ساياساتكەر.
سونىمەن بىرگە، ل. ماكسۆەلل ءوز ەلىندەگى سيفرلاندىرۋ ۇدەرىستەرى تۋرالى ايتىپ بەردى.
«بىزدە دە سيفرلىق ەكونوميكانىڭ قارقىندى دامۋى بايقالۋدا. ۇلى بريتانيا ەكونوميكاسىنىڭ 15 پايىزىن سيفرلىق ەكونوميكا قۇرايدى. ونىڭ ءوسۋ قارقىنى ەكونوميكانىڭ وزگە بولىكتەرىمەن سالىستىرعاندا ەكى ەسەگە جوعارى. وڭتۇستىك كورەيا، ءتىپتى جەر اۋماعى كىشكەنتاي ەستونيا مەن جاڭا زەلانديادا اۋقىمدى وزگەرىستەر بولىپ جاتىر، ول ەلدىڭ ازاماتتارى تەحنولوگيالاردى جىلدام ءارى ءتيىمدى پايدالانادى»، - دەپ اتاپ ءوتتى ساراپشى.
سونىمەن بىرگە، ول جاڭا تەحنولوگيالاردى جاساۋدا مىقتى ءارى اشىق ينفراقۇرىلىمنىڭ ماڭىزدىلىعىن باسا ايتتى.
«كوپتەگەن ەلدىڭ ۇكىمەتى سيفرلىق شيەلەنىستەردى شەشۋدە قينالادى. بۇكىل الەمدەگى سيفرلىق ەكونوميكانىڭ دامۋىنا قارار بولساق، قازاقستانداعىداي بىلىكتى جەتەكشىلىك جۇمىستى بايقاۋعا بولادى. سوندىقتان، سىزدەردە ۇلكەن تابىسقا جەتۋ مۇمكىندىگى بار. اقپاراتتىق تەحنولوگيالار ۋنيۆەرسيتەتىن قۇرۋ ارقىلى بىلىكتى كادرلاردىڭ وسۋىنە جاعداي جاسادىڭىزدار. ودان بولەك، اقپاراتتىق قاۋىپسىزدىكتى نىعايتۋ دا سيفرلىق ەكونوميكاعا دەگەن سەنىمدى ارتتىرادى»، - دەپ ءوز ءسوزىن تۇيىندەدى ل. ماكسۆەلل.