ەۋروپالىق قارجىگەر بۋرابايدا تاۋ شاڭعىسىن دامىتۋ ءۇشىن زەرتتەۋ جۇرگىزەدى

كوكشەتاۋ. قازاقپارات - ەۋروپانىڭ ءىرى ينۆەستورى بۋرابايداعى تاۋ شاڭعىسى كۋرورتىنا قىزىعۋشىلىق تانىتۋدا.

بۇل تۋرالى اقمولا وبلىسىنىڭ اكىمى مالىك مىرزاليننىڭ دۇنيەجۇزىلىك «PGI Management» تاۋ شاڭعىسى كونسالتينگتىك كومپانياسىنىڭ پرەزيدەنتى جۋان ۆيلادومات كورتابينارتەمەن وتكەن كەزدەسۋىندە ايتىلدى، دەپ حابارلايدى قازاقپارات ءتىلشىسى اكىمدىكتىڭ باسپا ءسوز قىزمەتىنە سىلتەمە جاساپ.

كەزدەسۋدە تاراپتار تاۋ شاڭعىسىن الەمدىك دەڭگەيدە دامىتۋ ءۇشىن ماۋسىم ايىندا بۋراباي كۋرورتى اۋماعىنىڭ الەۋەتىن انىقتاۋ بويىنشا زەرتتەۋ جۇمىستارىن جۇرگىزۋ تۋرالى كەلىسىمگە كەلدى. ونى اتالمىش كومپانيانىڭ ماماندارى جەرگىلىكتى بيلىك وكىلدەرىمەن بىرلەسىپ جۇرگىزەتىن بولادى.

«ءبىزدىڭ كوماندا بيزنەس تۇجىرىمدامان باستاپ، جوبانىڭ قۇرىلىسى، سونداي-اق، تەحنيكالىق جاعىنان قولداۋ، مادەني ەرەكشەلىكتەردى ەسكەر كەلە، بيزنەستى دامىتۋ ءتارىزدى قىزمەت تۇرلەرىن ۇسىنادى. ءبىز الەمنىڭ 15 تەن استام ەلىندە جۇمىس ىستەيمىز»، - دەدى جۋان ۆيلادومات.

ايتا كەتەيىك، «PGI Management» كومپانياسى تاۋ شاڭعىسى كۋرورتىن باسقارۋ سالاسىندا الەمدە كوش باستاپ تۇر. سونىڭ ءبىرى رەتىندە ەۋروپاداعى «گرانۆاليرا» كۋرورتىن اتاپ وتۋگە بولادى.