+7 (701) 759 90 19 Лента
20 °С : استانا
20 °С : الماتى
USD 328.31 EUR 386.62
RUB 5.27 CNY 51.49
جاڭالىقتار

شىمكەنتتە مەكتەپپەن قوشتاسۋ كەشتەرىن وتكىزۋگە تىيىم سالىندى

18 مامىر 07:01 421
:ءبولىسۋ
شىمكەنتتە مەكتەپپەن قوشتاسۋ كەشتەرىن وتكىزۋگە تىيىم سالىندى

شىمكەنت. قازاقپارات - شىمكەنتتە مەكتەپپەن قوشتاسۋ كەشتەرىن وتكىزۋگە تىيىم سالىندى.

25 -مامىردا وتەتىن مەكتەپ بىتىرۋشىلەردىڭ «سوڭعى قوڭىراۋ» كۇنىنە وراي قۇقىق قورعاۋ ورگاندارىنىڭ قىزمەتكەرلەرى ەرەكشە تارتىپپەن جۇمىس ىستەيتىن بولادى.

بۇل تۋرالى قالالىق اكىمدىكتىڭ ۇيىمداستىرۋمەن وتكەن ماجىلىستە ايتىلدى، دەپ حابارلايدى قازاقپارات ءتىلشىسى.

وقۋ جىلىن اياقتاۋعا قاتىستى باسقوسۋعا پروكۋراتۋرا، جەرگىلىكتى پوليتسيا قىزمەتكەرلەرى جانە قالاداعى مەكتەپ باسشىلارى تۇگەل قاتىستى. جيىندا الدىمەن وقۋشىلاردىڭ سوڭعى قوڭىراۋعا دايىندىعى پىسىقتالىپ، ولاردىڭ قاۋىپسىزدىگىن قامتاماسىز ەتۋ ماسەلەسى تالقىلاندى. جىلدا سوڭعى قوڭىراۋدان كەيىن تۇلەكتەر قىمبات كولىكتەر جالداپ، مەيرامحانالار مەن قالا سىرتىنداعى ساياجايلاردا اتاپ ءوتۋى داستۇرگە اينالدىرعانى بەلگىلى. مۇنىڭ سوڭى قايعىلى وقيعالارعا ۇلاسىپ جاتاتىنىن ەسكەرگەن جاۋاپتى ماماندار بيىل كەمشىلىكتەردى بولدىرماۋ ماقساتىندا بارلىق مۇمكىندىكتەردى قولعا الماقشى.

«مەكتەپ باسشىلارىنا وقۋشىلاردىڭ اۆتوكولىك شەرۋلەرىن ۇيىمداستىرىپ، مەكتەپتەن تىس ورىنداردا كەش جاساۋىنا جول بەرمەۋ ماقساتىندا ۇگىت- ناسيحات جۇمىستارىن كۇشەيتۋدى تاپسىرامىن. اتا- انالارمەن تىعىز جۇمىس ىستەپ، ءتۇسىندىرۋ شارالارىن جۇرگىزۋ قاجەت. ويتكەنى، بالالاردىڭ قاۋىپسىزدىگى بارشامىز ءۇشىن ماڭىزدى»، - دەدى شىمكەنت قالالىق ءبىلىم ءبولىمى باسشىسىنىڭ مىندەتىن اتقارۋشى ايگۇل تەكەبايەۆا.

سونىمەن قاتار مەكتەپ ديرەكتورلارىنا 1، 4، 9 جانە11 -سىنىپ وقۋشىلارىنىڭ باسشىلىققا، سىنىپ جەتەكشىسىنە باعالى سىيلىق جاساۋىنا تىيىم سالۋ جۇكتەلدى. ءبىلىم ءبولىمىنىڭ باسشىلىعى مەكەمەنىڭ اعىمداعى جوندەۋ جۇمىستارىنا اتا-انالاردان اقشا جيناۋىنا جول بەرىلمەيتىنى ەسكەرتىلدى. جينالىسقا قاتىسقان ەڭبەكشى اۋدانىنىڭ پروكۋرورى بۇل كۇنى قالاداعى جاعداي قاداعالاۋشى ورگان تاراپىنان قاتاڭ باقىلاۋعا الىناتىنىن ايتسا، شىمكەنت قالالىق جەرگىلىكتى پوليتسيا قىزمەتىنىڭ وكىلى ارنايى موبيلدىك توپ قۇرىلاتىنىن جەتكىزدى. اسىرەسە، تاشكەنت تاسجولى، بايدىبەك ءبي داڭعىلى جانە دەندروساياباق اۋماعى باقىلاۋعا الىناتىن بولدى.

ايتا كەتەيىك، بارلىق ءبىلىم قيالارىندا «سوڭعى قوڭىراۋ» سالتاناتتى ءىس-شاراسى استانانىڭ 20 جىلدىعىنا ارنالعان «ەل جۇرەگى - استانا» تاقىرىبىمەن وتەتىن بولادى.

  


باستى سوزدەر: ايماق, زاڭ جانە قۇقىق ,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات