+7 (701) 759 90 19 Лента
11 °С : استانا
26 °С : الماتى
USD 328.95 EUR 386.38
RUB 5.27 CNY 51.50
جاڭالىقتار

نۇرسۇلتان نازاربايەۆ ا ە ف- عا كەلگەن شەتەلدىك جەتەكشى ساراپشىلارمەن كەزدەستى

17 مامىر 21:07 189
:ءبولىسۋ
نۇرسۇلتان نازاربايەۆ  ا ە ف- عا كەلگەن شەتەلدىك جەتەكشى ساراپشىلارمەن كەزدەستى

استانا. قازاقپارات - نۇرسۇلتان نازاربايەۆ ХІ استانا ەكونوميكالىق فورۋمىنا كەلگەن شەتەلدىك جەتەكشى ساراپشىلارمەن كەزدەستى، دەپ حابارلايدى اقوردانىڭ باسپا ءسوز قىزمەتى.

دوڭگەلەك ۇستەل فورماتىندا وتكەن كەزدەسۋ بارىسىندا ەكونوميكالىق دامۋدىڭ جانە ساۋدا قاتىناستارىنىڭ جاھاندىق ۇردىستەرى، «جاسىل» ەكونوميكاعا كوشۋ، بالامالى ەنەرگيا كوزدەرىن پايدالانۋ، قازاقستاننىڭ كولىك- ترانزيت الەۋەتىن دامىتۋ جانە ەكونوميكانى سيفرلاندىرۋ ماسەلەلەرى تالقىلاندى.

كەزدەسۋدە ەستونيانىڭ بۇرىنعى پرەزيدەنتى تووماس يلۆەس ۇلتتىق ەكونوميكانى سيفرلاندىرۋ تاجىريبەسى جونىندە ايتىپ، سيفرلىق ەكونوميكاعا ءتيىمدى كوشۋ ءۇشىن ساياسي ەرىك- جىگەردىڭ بولۋى ماڭىزدى ەكەنىنە توقتالدى. ت. يلۆەس سيفرلىق قىزمەتتەر كورسەتۋدى دامىتۋدىڭ، جەلى قولدانۋشىلارىنىڭ سيفرلىق ساۋاتتىلىعىن ارتتىرۋدىڭ جانە اقپاراتتىق قاۋىپسىزدىكتى قامتاماسىز ەتۋدىڭ ماڭىزدىلىعىن اتاپ ءوتتى.

دۇنيەجۇزىلىك ساۋدا ۇيىمى باس ديرەكتورىنىڭ ورىنباسارى الان ۆولف حالىقارالىق ەلەكتروندى ساۋدا جۇيەسىن دامىتۋدىڭ قازىرگى احۋالى مەن پەرسپەكتيۆالارى جونىندە اڭگىمەلەدى.

ەۋروپا قايتا قۇرۋ جانە دامۋ بانكىنىڭ ءبىرىنشى ۆيتسە- پرەزيدەنتى يۋرگەن ريگتەرينك قازاقستان ەكونوميكاسىنىڭ ءوسىمىن جانە ونىڭ قايتا قۇرىلىپ كەلە جاتقانىن اتاپ ءوتىپ، ەلىمىزدىڭ كولىك- ترانزيت الەۋەتىن، اگرو ونەركاسىپ كەشەنى مەن «استانا» حالىقارالىق قارجى ورتالىعىنىڭ مۇمكىندىكتەرىن پايدالانۋدىڭ ماڭىزدى ەكەنىن ايتتى.

بىرىككەن ۇلتتار ۇيىمى ساۋدا جانە دامۋ جونىندەگى كونفەرەنسياسىنىڭ باس حاتشىسى مۋحيسا كيتۋي قازاقستانداعى كەدەندىك دەكلاراتسيالاۋدىڭ جەڭىلدەتىلۋى ەسەبىنەن قول جەتكىزىلگەن وڭ ناتيجەلەرگە توقتالدى.

بەيبىتشىلىك جونىندەگى نوبەل سىيلىعىنىڭ لاۋرەاتى رادجەندرا كۋمار پاچاۋري كليمات وزگەرىستەرى ناتيجەسىندە تۋىنداعان پروبلەمالارعا توقتالىپ، «جاسىل» تەحنولوگيالاردى دامىتۋدىڭ جانە كەڭەيتۋدىڭ ماڭىزدىلىعىن اتاپ ءوتتى. رادجەندرا كۋمار پاچاۋري استانادا وتكەن حالىقارالىق «ەكسپو-2017» مامانداندىرىلعان كورمەسىنىڭ تاقىرىبى مەن ونىڭ ناقتى ناتيجەلەرىنىڭ وزەكتىلىگىنە نازار اۋداردى.

بەيبىتشىلىك جونىندەگى نوبەل سىيلىعىنىڭ لاۋرەاتى راە كۆون چۋنگ تا «جاسىل» ەكونوميكاعا كوشۋدىڭ قاجەتتىگىن ايتىپ، بالامالى ەنەرگيا كوزدەرىن قولدانۋدىڭ جاعىمدى تۇستارىن اتاپ ءوتتى.

«DP World» كومپانياسى باسقارماسىنىڭ ءتوراعاسى سۇلتان احمەد بين سۋلايەم لوگيستيكالىق جوبالاردى ىسكە اسىرۋ سالاسىنداعى ىنتىماقتاستىقتى ودان ءارى نىعايتا تۇسۋگە مۇددەلىلىك تانىتتى. سۇلتان احمەد بين سۋلايەم اقتاۋ قالاسىنداعى پورت پەن «قورعاس» شەكارا ماڭى ىنتىماقتاستىعى ورتالىعىن پايدالانۋدىڭ تيىمدىلىگى جونىندە ايتتى.

ۇلى بريتانيا ۇكىمەتىنىڭ تەحنولوگيالار جونىندەگى كەڭەسشىسى ليام ماكسۆەلل «اقىلدى قالالاردى» دامىتۋ جانە قالالاردى باسقارۋ ۇدەرىسىندە جاساندى ينتەللەكت تەحنولوگيالارىن قولدانۋ جونىندەگى ويىن ورتاعا سالدى.

الەمنىڭ جەتەكشى ساراپشىلارىنىڭ باياندامالارى تىڭدالعان سوڭ قازاقستان پرەزيدەنتى جيىنعا قاتىسۋشىلارعا استانا ەكونوميكالىق فورۋمىنا قاتىسقانى جانە دوڭگەلەك ۇستەل وتىرىسىندا ايتقان يدەيالارى ءۇشىن ريزاشىلىق ءبىلدىردى.

«ەۋروپادا داۆوس فورۋمى، بىزدە استانا ەكونوميكالىق فورۋمى، ال تىنىق مۇحيتىنىڭ جاعالاۋىندا بواو ازيا فورۋمى بار. بۇل فورۋمدار ءبىر عانا ماقساتتى - قالىپتاسقان احۋالدان شىعۋ جولىن ىزدەۋدى كوزدەپ وتىر. ءبىز الەمدىك فورۋمداردىڭ بارىمەن ىنتىماقتاستىق ورناتىپ، مەملەكەتتەر مەن حالىقتاردىڭ يگىلىگى ءۇشىن جۇمىس ىستەگىمىز كەلەدى. بۇل - دامۋ، ىلگەرىلەۋ جانە تۇسىنىستىك مۇمكىندىگى»، - دەدى مەملەكەت باسشىسى.

نۇرسۇلتان نازاربايەۆ جيىنعا قاتىسقان ساراپشىلاردىڭ ءبارى استانا ەكونوميكالىق فورۋمىنىڭ بەدەلىن نىعايتۋعا جانە ونى دامىتۋعا ۇلەس قوسقانىن اتاپ ءوتتى.

مەملەكەت باسشىسى قازاقستاننىڭ دامۋ تاريحىنا توقتالىپ، ەلىمىزدە ەتنوس ارالىق جانە ۇلت ارالىق كەلىسىمدى ساقتاۋ جانە نىعايتۋ جولىندا اتقارىلعان جۇمىس تاجىريبەسى جونىندە ايتتى.

«ءبىز كونستيتۋتسيادا، زاڭنامالىق دەڭگەيدە جانە ءىس جۇزىندە بارلىق ازاماتتار قۇقىقتارىنىڭ تەڭدىگىن قامتاماسىز ەتتىك. قازاقستاندا بارلىق ءدىني كونفەسسيالاردىڭ وكىلدەرى تۇرادى. ولارعا ءدىني نانىم- سەنىم بوستاندىعى بەرىلگەن. ءداستۇرلى دىندەردىڭ الەمدىك كوشباسشىلارى وزدەرىنىڭ سيەزدەرىن ءدال وسى استانادا وتكىزۋگە شەشىم قابىلدادى. بيىل كەزەكتى Ⅵسيەزد وتكەلى وتىر»، - دەدى قازاقستان پرەزيدەنتى.

نۇرسۇلتان نازاربايەۆ قازاقستاننىڭ بارلىق كورشىلەس ەلدەرمەن دوستىق جانە ارىپتەستىك قارىم- قاتىناس ورناتقانىن اتاپ ءوتتى.

مەملەكەت باسشىسى ەلىمىزدەگى بارلىق ازاماتتاردىڭ تۇرمىسىن جاقسارتۋعا باعىتتالعان شارالاردىڭ ارقاسىندا ءبىزدىڭ قوعامدا تۇراقتىلىق پەن كەلىسىمگە قول جەتكىزىلگەنىن ايتتى.

«تاۋەلسىزدىك جىلدارىندا ەكونوميكامىز 25 ەسە ءوستى. جان باسىنا شاققاندا ىشكى جالپى ءونىم 12 مىڭ ا ق ش دوللارىنا جەتتى. ەندى ۇلتتىق قوردا جيناقتالعان قارجىنىڭ ارقاسىندا ينفراقۇرىلىمدىق جانە يندۋستريالدىق دامۋ، سونداي- اق ءبىلىم بەرۋ مەن دەنساۋلىق ساقتاۋ سالالارىنا ارنالعان باعدارلامالاردى جۇزەگە اسىرىپ كەلەمىز. ەلىمىزدە ءومىر ءسۇرۋ ۇزاقتىعى 7 جىلعا ۇزاردى. ءبىزدىڭ جاس ۇرپاعىمىز ءبىلىمدى جانە ءورشىل ماقساتپەن بولاشاققا كوز تىگەمىز»، - دەدى قازاقستان پرەزيدەنتى.

سوڭىندا قازاقستان پرەزيدەنتى استانا ەكونوميكالىق فورۋمىنا قاتىسۋشىلارعا تاعى دا ريزاشىلىق ءبىلدىرىپ، ولاردىڭ ۇسىنىستارى مەن يدەيالارى ەلىمىزدى ودان ءارى دامىتۋ ءۇشىن ماڭىزدى ەكەنىن اتاپ ءوتتى.


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
باقىتجول كاكەش
باقىتجول كاكەش
954-049
مۇراعات