+7 (701) 759 90 19 Лента
26 °С : استانا
20 °С : الماتى
USD 328.31 EUR 386.62
RUB 5.27 CNY 51.49
جاڭالىقتار

شەكسىز اسپان كوزىنەن تامشىلاعىم كەلەدى - رەتبەك ماعازدىڭ ولەڭدەرى

18 مامىر 03:14 274
:ءبولىسۋ
شەكسىز اسپان كوزىنەن تامشىلاعىم كەلەدى - رەتبەك ماعازدىڭ ولەڭدەرى

 استانا. قازاقپارات - نازارلارىڭىزعا جاس اقىن رەتبەك ماعازدىڭ ولەڭدەرىن ۇسىنامىز.

ءىز

التى تاسپا -  ءدۇر ات ساۋىرىنا سالعان ءىز،

 ات تۇياعىننان التايدىڭ اسۋلارىنا تامعان ءىز،

 وشە كورمە. قارا جولداعى تۇياق ورىنىنا توپىراق تولعانشا،

قايىستان مايىسقان تۇكتەر باسىن كوتەرىپ بولعانشا،

 جورتاتىن ەدى، دالانىڭ جون ارقاسىنىڭ ءيىن قاندىرىپ،

 قاراعاي دىڭىنە دىراۋدان سۋسىعان كۇيىن قالدىرىپ.

سوناۋ ىقىلىمنان شۇباتىلىپ، التايدىڭ ساي- سالاسىنا سىڭگەن

 جولدىعى جوقشى قازاققا قىلقۇيرىق مىنگەن،

 جولىعار ما ەدىم. قايران دا قايران اتتى قازاقتار!

  
شەكسىز اسپان كوزىنەن تامشىلاعىم كەلەدى - رەتبەك ماعازدىڭ ولەڭدەرى

تاڭەرتەڭ

  

 تۇرگەندە شىمىلدىعىن جەلەكتى اسپان،

 ەستىلدى تىرلىك ءۇنى جەل اپ قاشقان.

 بۇرقىراپ بۋى اسپانعا جاتقان قويدىڭ،

سەركەسى ەرتە ويانىپ سەرەكتاستان.

 

تۇنىمەن تامعان ساۋلە دالاعا ايدان،

 شىق بولىپ ءشوپ باسىنا تۇنادى ويناپ.

قويشى اعا شىعا كەلدى كەردونەنىن،

جەتەلەپ قاپتالداعى قاراعايدان.

 

 ديدارى جەڭەشەمنىڭ تاڭشا اعارىپ،

وتىردى تاس وشاققا ارشا جاعىپ.

ءتۇتىن- قىز تىرلىك ءيىسىن قالدىردى دا،

 اسپانعا ءسىڭىپ كەتتى اڭسارى اۋىپ.

 

ەر سالىپ جاتقان اعام ىسقىرىعى،

سەكىلدى تاڭدا ويانعان قۇستىڭ ءۇنى.

 جەڭگەم ءجۇر، بۇرىمىندا ارشا ءيىسى،

 بۇلدىرگەن ەرىنىندە قىستىرۋلى.. .

 

ءتور جايلاۋ، مەن دە سەندەي، سەن دە مەندەي،

 كوڭىلىم كەرمەدەگى كەردونەندەي.

 تەلمىردىم شاڭىراعىمنان شەكسىزدىككە،

اسپاندى بۇدان بۇرىن كورمەگەندەي.

 
شەكسىز اسپان كوزىنەن تامشىلاعىم كەلەدى - رەتبەك ماعازدىڭ ولەڭدەرى

نوسەر

  

 اسپانداعى قاقتىعىس.

وت قامشىنى ۇيىرگەن.

 قىز- كوكتەمنىڭ قاباعى،

 ەندى اشىلار تۇيىلگەن.

 

 كوكتەم كەلىپ قالاعا،

 بۇلدانعالى قانشا كۇن.

 وكتەم بولىپ سەزىمنەن،

 مەن التايدى اڭسادىم.

 

 مەن التايدى اڭسادىم،

تاعى ۇيقىسىز ءتۇن- اۋ بۇل.

 وزەگى وتتان، ورىلگەن،

 التى تاسپا دىراۋ بۇل.

 

 التى تاسپا دىراۋ بۇل،

 ارۋ كوكتەم اڭساعان.

 اسپان كەزىپ ءجۇر- اۋ ءبىر.

 وت رۋحى، شارشاماي.

 

 مەندە سونداي ءبىر وتتى،

 قامشىلاعىم كەلەدى.

 شەكسىز اسپان كوزىنەن،

 تامشىلاعىم كەلەدى.

 

كوكتەمدە ولگەن جاپىراق نە كورمەدىڭ.. .

كۇزگە جەتكەن جاپىراق نەنى كوردىڭ،

قاراشانىڭ قۇس قايتقان دەمىنە ءولدىڭ.

سەن دە مىناۋ كۇز كورگەن پەندەلەردەي،

 اڭسادىڭ با قۇشاعىن پەرىلەردىڭ.

 

كۇزدى وتكەرگەن باسىنان مەن نە كوردىم،

 ارمانىمدى ورىمدەي جەرگە كومدىم.

قۇستار قايتا كەلگەنشە الماتىعا،

اراسىندا كوك پەن جەر سەندەلەرمىن.

 

 كوكتەمدە ولگەن جاپىراق نە كورمەدىڭ؛

 كۇرسىنگەنىن جالعان دەپ ەمەندەردىڭ،

 كۇرەڭ تۇسكە دۇنيە بويانعانىن،

كۇركىرەۋىن قويعانىن وزەندەردىڭ.

 

 قىپشا بەلى قالقانىڭ بۇراتىلىپ،

قۇستاي سىڭسىپ ۇشقانىن ۇزاتىلىپ،

 قياناتشىل دۇنيەگە اساۋ كوڭىل،

 ول دا وزەندەي تىنعانىن ءبىر اھ ۇرىپ.

 

 الاتاۋدىڭ سالدەسى باقتى ەرىنبەي،

 شۇبالىپ كەپ جاپقانىن اق كەبىندەي.

كۇرەڭىتىپ باتىسقا كۇن باتقانىن،

بۇل جالعاننىڭ اقىرعى ساتتەرىندەي.. .

 

كۇز كورمەگەن جاپىراق، ارمان دەگەن

ماڭدايىڭا ۋاقىت سالعان بەدەر.

كۇزگە جەتكەن جاپىراق ول نە كوردى؟

 مەن نە كوردىم؟ دۇنيە جالعان دەگەن.

 ***

 ەسكى جۇرت

 ءتۇن.

 التايدا ءبىزدىڭ ەسكى كوشكەن جۇرتتىڭ،

وشاعى الدە قاشان وشكەن جۇرتتىڭ،

 شەڭبەرىڭ ءبىر قۇيىن جەل شىر اينالىپ،

جۇرەدى وت جاققانشا ۇماي بارىپ.

سودان سوڭ رۋحى كەزىپ بەس ەنەمنىڭ،

 جازۋى ايقىندالىپ پەشەنەمنىڭ،

ءتورت تۇلىك ءسۇتى سىڭگەن جەر وشاقتىڭ،

 باسىنان ءيىسى اڭقيدى بولاشاقتىڭ.. .

 

 اداسىپ جۇرتتا قالعان بالالىعىم،

 استىنان توپىراق جەپ تابانىنىڭ.

 توپىراق اراسىنان تارتقىلايدى ول،

 كەسىلگەن تۇساۋىنىڭ الا ءجىبىن.

 

 بورىلەر ول وينايتىن تاسقا شىعىپ،

 شۋلايدى، بۇرىنعىدان باسقاشا ۇلىپ.

ەسكى جۇرت، جاۋتەڭدەيدى بالالىعىم،

 بۇل جالعان كوزىندەگى جاسقا ءسىڭىپ.

 

 قارا تاۋ قارا نارداي بەلگە بەرىك،

 زارلايدى قاراعايى جەلمەن ەرىپ.

 التايدا، اي استىندا، ءدوڭ ۇستىندە،

 جۇرت جاتىر بۇ جالعانداي دوڭگەلەنىىپ.

 

 تاڭباسى ول جەتى اتامنىڭ جەرگە باسقان.

 ول جايلى ايتا المايسىڭ سەن نەگە اسپان.

 "بارادى اۋىلىم كوشىپ بەلدەن اسىپ،

 بۇلتتارمەن ارالاسىپ بەلدەن اسقان".. .

 
شەكسىز اسپان كوزىنەن تامشىلاعىم كەلەدى - رەتبەك ماعازدىڭ ولەڭدەرى

 بۇلدىرگەن

  

 وشىرمەيسىڭ ەڭ ءبىر اڭعال شاقتى ويدان،

 كىمدەر ەكەن بۇلدىرگەن دەپ ات قويعان.

مەن بىرەۋدى ويلادىم با بىلمەيمىن،

بال دامىڭدەي تاڭدايىمدا قاپ قويعان.

 

مۇمكىن سونىڭ بەتىندەگى ۇياتپا- ەڭ،

 قۇلاعىمدا سىڭعىر- سىڭعىر كۇي، اتتەڭ.

 مازام نەگە كەتە بەردى دۇنيە- اي،

 مەن ەشتەڭە بۇلدىرمەگەن سياقتى ەم.

 

 قىمىز سەزىم، قىزىق داۋرەن كوكپارداي

ءوتتى باستان، ايتىڭدارشى توقتالماي،

 توبىلعىنىڭ تۇبىنە كەپ بۇلدىرگەن،

توگىلگەندە ۇركىپ ۇشقان توپ تورعاي.

 

بۇلدىرگەنىن توگىپ العان تەگەشتەن،

 مەن قۇربىمدى ويلاي بەردىم تەل وسكەن.

 توبىلعى ساپ قامشىڭ قايدا اربيبەك،

 بەرە تۇرشى ارىلايىن ەلەستەن.

 

بۇل كۇندەرى قالاداعى گۇلگە تەڭ،

كوڭىلىمدى ەندى كىمگە ۇلگى ەتەم،

 اڭساتىنىڭ بۇلدىرگەنى سەنى ءالى،

 بۇلدىرشىندەر جيناي الماي جۇرمە ەكەن..

 
شەكسىز اسپان كوزىنەن تامشىلاعىم كەلەدى - رەتبەك ماعازدىڭ ولەڭدەرى

Massaget.kz


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات