تەمىر جولدار مەن اۋەجايلار ساۋدا دالىزىنە اينالۋى كەرەك

 استانا. قازاقپارات - ازيا دامۋ بانكىنىڭ ۆيتسە- پرەزيدەنتى ۆەنچاي چانگ استانا ەكونوميكالىق فورۋمىندا جاڭا ورتالىق ازيانىڭ ساۋدا كۇن ءتارتىبى مەن جەكەمەنشىك سەكتور ءرولىن كۇشەيتۋدىڭ جولدارى تۋرالى ايتتى، دەپ حابارلايدى قازاقپارات ءتىلشىسى.

«شاعىن جانە ۇلكەن نارىقتاردى بىرىكتىرسەك، حالىقتىڭ سانى - 1,7 ميلليارد ادامعا جەتەدى. جالپى ىشكى ءونىم شامامەن 17 تريلليون ا ق ش دوللارىنا جەتەدى. ج ءى ءو جەكە- جەكە ەسەپتەلسە، اسا ۇلكەن كورسەتكىشتى كورسەتپەۋى مۇمكىن. الايدا، بۇل ساندار قوسىلسا، ايتارلىقتاي ويلاندىرا تۇسەدى. مىنەكەي كوردىڭىزدەر مە - بۇل ساۋدا جاساۋدا وتە ۇلكەن الەۋەتتى كورسەتىپ وتىر» ، - دەيدى ۆەنچاي چانگ.

ونىڭ ايتۋىنشا، قازىرگى ۋاقىتتا ديۆەرتسيفيكاتسيانىڭ بولماۋى، نارىقتىڭ قولجەتىمدى بولا بەرمەۋى، دامىماي قالعان ينستيۋتتتار، جەكە سەكتوردىڭ جاەن كاپيتالدىڭ جەتىسپەۋشىلىگ، بانك سەكتورىنىڭ دامىماۋى - وسىنىڭ ءبارى جەكە سەكتوردىڭ دامۋىنا كەدەرگى كەلتىرەدى.

«بۇل - بولاشاق ءۇشىن وتە ماڭىزدى. الايدا، قازىر ساۋدا تۇرعىسىنان ورتالىق ازيا ايماعىندا ايتارلىقتاي شەكتەۋ بارىن كورىپ وتىرمىز. كوپتەگەن ەلدەر باتىس ەلدەرىمەن، رەسەيمەن ساۋدا جاساسقىسى كەلەدى. ءبىراق، ەڭ ماڭىزدىسى - مەملەكەتتەر اراسىنداعى ساۋدا. بۇل ماسەلەنى جاقىن ارادا قالاي شەشە الامىز؟ بايلانىس بولماسا - ەشتەڭە ىستەي المايمىز. سونىمەن بىرگە، ديالوگتى قالاي كەڭەيتۋگە بولادى؟ ترانسۇلتتىق جانە كەدەندىك ماسەلەلەردى شەشۋ كەرەك. ساياسي قادامداردى ۇيلەستىرگەن ابزال. وسىلايشا، مەملەكەتتەر اراسىنداعى سەنىمدى قالىپتاستىرار ەدىك. جۋىق ارادا ءبىز وسى كولىك دالىزدەگى بەلسەندىلىكتى ارتتىرا الامىز. تەمىر جول، پورتتار، اۋەجايلار - وسىنىڭ بارلىعىن سىزدەر ساۋدا دالىزىنە اينالدىرۋلارىڭىز كەرەك. بۇل ءوز كەزەگىندە ەكونوميكاعا كۇش بەرەدى. مەن كولىكتىك دالىزگە اينالاتىن - ەكونوميكانى كورگىم كەلەدى. كوپتەگەن ەلدەردە مەن وسى باعىتتى قولدايمىن» ، - دەدى ۆەنچاي چانگ.

ايتا كەتسەك، ازيا دامۋ بانكىنىڭ ىرگەسى 1966 -جىلى قالانعان. ونىڭ نەگىزگى مىندەتى - ورتا ازيا مەن تاياۋ شىعىستاعى ەكونوميكانى ىنتالاندىرۋ بولىپ تابىلادى. بانكتىڭ شتاب- پاتەرى مانيلادا (فيليپپين) ورنالاسقان.