الەمدىك كومپانيانىڭ نەگىزىن قالاۋشى تابىسقا جەتۋ قۇپياسىن ايتىپ بەردى
«وقىپ جۇرگەنىمدە ماتەماتيكادان، سونىمەن قاتار عىلىمنان ۇلگەرىمىم جاقسى بولدى. ول كەزدە سيفرلاندىرۋ تۋرالى ەشتەڭە بىلمەيتىن ەدى. سول كەزدە كومپيۋتەر مەكتەپتە جانە ج و و- لاردا دا جان- جاقتى قولدانىلمايتىن. ءومىرىمدى جەڭىلدەتۋ ءۇشىن بىردەڭە جاساۋعا دەگەن ىنتام بولدى. وسىناۋ كىپ- كىشكەنتاي ءچيپتى كومپيۋتەرگە قالاي قوسۋعا بولادى دەپ وزىمە ساۋال قويدىم»، - دەپ اتاپ ءوتتى ول.
امەريكالىق ونەرتاپقىش كەز كەلگەن كومپيۋتەردى 2 جىلدىڭ ىشىندە جوبالاپ شىعۋعا بولادى دەگەن تۇسىنىگى بولعانىن ايتتى.
«بىردە اكەم قۇنى ءبىرشاما قىمبات بولاتىن كومپيۋتەردىڭ پايدا بولاتىنىن ايتتى. ءبىز ول كەزدە بۇل جايىندا تەك عانا ارماندايتىن ەدىك. مەن الەمدەگى ەڭ تانىمال گادجەتتەردى جوبالاۋمەن اينالىسا باستاپ، كومپيۋتەرلىك كلۋب ۇيىمداستىردىم. جانە دە بۇل ۆيدەو ويىندار قالاي جۇمىس ىستەيتىندىگىن ءتۇسىنۋ ءۇشىن جاسالعان ەدى. بۇعان قوسا، ءبىز ۋنيۆەرسيتەتتىك جەلى قۇرايىق دەپ شەشتىك. ءبىراق، بۇل يدەيامىزدى جۇزەگە اسىرۋ ءۇشىن بيۋدجەتىمىز بولمادى. بارىنشا قۋاتتى كومپيۋتەرگە قول جەتكىزۋگە ۇمتىلعان قاراپايىم ادامدار ەدى. بۇل كلۋبتا پروفەسسورلار دا بىزبەن بىرگە وسىناۋ الەۋمەتتىك يدەيانى تالقىلايتىن. الايدا ءبىز قۋاتى جوعارى، جىلدام جۇمىس ىستەيتىن، ۇيرەتە الاتىن كومپيۋتەر جاساعىمىز كەلدى»، - دەدى ستيۆ ۆوزنياك.
ونىڭ ايتۋىنشا، ءدال سول ارالىقتا ولاردىڭ كومانداسىنا ءالى ەشكىمگە تانىس ەمەس ستيۆ دجوبس كەلىپ قوسىلعان.
«ستيۆ بارىنشا قىزىعۋشىلىق تانىتا كەلە: «ءوزىمىز نەگە كومپانيا قۇرماسقا؟ بيزنەستى ودان ارى دامىتۋ ءۇشىن اقشا تابۋ قاجەت»، دەدى. مەندە بارىنشا ادال بولدىم جانە وعان يدەيانى Hewlett-Packard-قا ساتۋدى ۇسىندىم. ويتكەنى ولار بەس ەسە جىلدام جۇمىس ىستەي الاتىن ءبىرىنشى دەربەس كومپيۋتەردى قۇراستىرا الاتىن ەدى. دەگەنمەن، ستيۆ بۇل بيزنەستى باستاپ، ءبىز Apple كومپانياسىن ۇيىمداستىردىق»، - دەدى ول.
«مىنە، ءدال وسىلاي ءبىزدىڭ جۇمىسىمىز بىرتىندەپ دامىدى. ءسىز قالامساپتىڭ كومەگىمەن ءبىر ءسوز جازساڭىز ماشينا تۇسىنەتىن بولادى. وسىنى جاساعاننان كەيىن بەيسەنبى كۇنى كەشكى ساعات 5-تە ءتىس دارىگەرىم سارۋعا بارۋ كەرەك دەپ جازدىم. Enter- ءدى باسىپ قالعانىمدا ماشينا مەنىڭ كۇنتىزبەمدى اشىپ، اتالعان جازبانى تىركەپ قويدى. مەن قاتتى تاڭ قالدىم. بۇل مەنىڭ ءومىرىمدى تۇبەگەيلى وزگەرتتى. مەن بىردەڭە جازدىم، ال ماشينا ونى ءتۇسىندى. قازىر ءسىز كومپيۋتەرىڭىزبەن دوستىق پەيىلمەن سويلەسە الاسىز. ول سىزگە جاۋاپ تا بەرەدى. بۇل تاڭعالارلىق جايت ەدى»، - دەدى ستيۆ ۆوزنياك.
اۆتور: مارلان جيەمباي