نۇرسۇلتان نازاربايەۆ فرانسۋا وللاندپەن كەزدەستى
نۇرسۇلتان نازاربايەۆ استانا ەكونوميكالىق فورۋمىنا قاتىسۋعا كەلگەنى ءۇشىن فرانسۋا وللاندقا ريزاشىلىق ءبىلدىردى.
«ءسىز پرەزيدەنت كەزىڭىزدە ءبىزدىڭ ەلدە رەسمي ساپارمەن بولعان ەدىڭىز. سونىڭ ناتيجەسىندە ىنتىماقتاستىعىمىزدى دامىتۋ ءۇشىن جاقسى جاعداي جاسادىق»، - دەدى قازاقستان پرەزيدەنتى.
مەملەكەت باسشىسى قازىرگى ۋاقىتتا قازاقستان مەن فرانسيا اراسىنداعى بايلانىستار، سونىڭ ىشىندە «جاسىل» تەحنولوگيالار سالاسىنداعى ىقپالداستىق نىعايىپ كەلە جاتقانىن ايتتى.
نۇرسۇلتان نازاربايەۆ بالامالى ەنەرگەتيكانى دامىتۋ ءۇشىن قازاقستان تاراپىنان اتقارىلىپ جاتقان جۇمىستار، سونىڭ ىشىندە «ەكسپو-2017» كەشەنىنىڭ بازاسىندا قۇرىلاتىن «جاسىل» ەكونوميكا ورتالىعى جونىندە اڭگىمەلەدى.
فرانسۋا وللاند كەزدەسۋگە مۇمكىندىك بەرگەنى ءۇشىن نۇرسۇلتان نازاربايەۆقا العىس ءبىلدىرىپ، قازاقستان پرەزيدەنتىنىڭ مەملەكەت ارالىق بايلانىستاردى نىعايتۋعا زور ۇلەس قوسقانىن اتاپ ءوتتى.