+7 (701) 759 90 19 Лента
19 °С : استانا
18 °С : الماتى
USD 328.95 EUR 386.38
RUB 5.27 CNY 51.50
جاڭالىقتار

ەۋرازيالىق ەكونوميكالىق وداق پەن قىتاي اراسىنداعى كەلىسىمنىڭ شارتتارى قانداي

17 مامىر 15:18 251
:ءبولىسۋ
ەۋرازيالىق ەكونوميكالىق وداق پەن قىتاي اراسىنداعى كەلىسىمنىڭ شارتتارى قانداي

 استانا. قازاقپارات - ەۋرازيالىق ەكونوميكالىق وداق القاسىنىڭ ءتوراعاسى تيگران ساركيسيان ە ا ە و مەن قىتاي اراسىنداعى كەلىسىمنىڭ نەگىزگى شارتتارى تۋرالى ايتىپ بەردى.

 اتالعان قۇجات ساۋدا- ەكونوميكالىق ىنتىماقتاستىقتى دامىتۋدى كوزدەيدى، دەپ حابارلايدى قازاقپارات ءتىلشىسى.

«كەلىسىمنىڭ باستى تالابى - اشىقتىق. وسى ورايدا ءبىز ەكىجاقتى ساۋدا ساتتىققا كەدەرگى بولاتىن جاعدايلاردىڭ نوتيفيكاتسياسىن، ياعني ونداي توسقاۋىلدار تۋىنداعاندا ءبىر- ءبىرىمىزدى الدىن الا ەسكەرتۋگە كەلىستىك. مينيسترلىكتەر دەڭگەيىندە ارنايى كوميتەت قۇرىلادى. ول دا - كەلىسىمنىڭ ماڭىزدى شارتى. ال بيزنەسمەندەر ءۇشىن اقپاراتتىق ورتالىقتاردى قۇرۋ جوسپارلانىپ وتىر. سونداي- اق، بارلىق ەلدەردىڭ كەدەن قىزمەتكەرلەرى بىرلەسىپ جۇمىس ىستەيتىن بولادى» ، - دەدى ت. ساركيسيان استانا ەكونوميكالىق فورۋمى اياسىنداعى پانەلدىك سەسسيادا.

ونىڭ ايتۋىنشا، شەكارادا تاۋاردى ۇزاق ۇستاپ تۇرسا، ول ەلدىڭ قۇزىرەتتى ورگاندارى ءوز شەشىمىن مىندەتتى تۇردە ءتۇسىندىرۋى ءتيىس. ال ەلەكتروندى ساۋدا سالاسىندا تۇتىنۋشىلاردىڭ جەكە مالىمەتتەرىن ساقتاۋ قاعيداتتارى ەنگىزىلدى. زياتكەرلىك قۇقىقتار دا قاتاڭ ساقتالۋى شارت.

 «جالپى، اۋىل شارۋاشىلىعى، ەنەرگەتيكا، كولىك، ءوندىرىس، تەحنولوگيالار، يننوۆاتسيالار، اقپاراتتىق- تەحنولوگيالىق ينفراقۇرىلىم، قارجى مەن قورشاعان ورتا سالاسىندا ءوزارا ىنتىماقتاستىقتى دامىتۋعا باسىمدىق بەرىلەدى. قازىردىڭ وزىندە ءبىز قىتايلىق ارىپتەستەرگە كولىك سالاسى بويىنشا 40 جوبانى قاراستىرۋدى ۇسىندىق»، - دەپ اتاپ كورسەتتى ت. ساركيسيان.

كەلىسىمدە كەدەندىك جەڭىلدىكتەر قاراستىرىلماعان. نەگىزگى ماقسات - ەكىجاقتى ىنتىماقتاستىقتى نىعايتۋ، قارىم- قاتىناستىڭ ناقتى جولدارىن بەلگىلەۋ، ورتاق جوبالار ءۇشىن ءتيىمدى جاعداي جاساۋ.

ايتا كەتەيىك، بۇگىن ەۋرازيالىق ەكونوميكالىق وداق ەلدەرى مەن قىتاي حالىق رەسپۋبليكاسى ساۋدا- ەكونوميكالىق ىنتىماقتاستىق تۋرالى كەلىسىمگە قول قويدى.

 اۆتور: ارمان اسقاروۆ

 


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات