+7 (701) 759 90 19 Лента
11 °С : استانا
26 °С : الماتى
USD 328.95 EUR 386.38
RUB 5.27 CNY 51.50
جاڭالىقتار

جاڭا تەحنولوگيالاردى يگەرگەن مەملەكەتتەردىڭ قاتارىندا بولۋعا قاۋقارلىمىز - ەلباسى

17 مامىر 14:50 299
:ءبولىسۋ
جاڭا تەحنولوگيالاردى يگەرگەن مەملەكەتتەردىڭ قاتارىندا بولۋعا قاۋقارلىمىز - ەلباسى

استانا. قازاقپارات - قازاقستان ءوزىنىڭ الداعى جوسپارلارىن لايىقتى دەڭگەيدە ىسكە اسىرۋعا قاۋقارلى. بۇل تۋرالى Global Challenges Summit 2018 فورۋمىندا قازاقستان پرەزيدەنتى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات ءتىلشىسى.

«مەن ءوز سوزىمدە قازىرگى اتقارىپ جاتقان جۇمىستارىمىز جايىندا، سونداي-اق كەڭەس وداعى ىدىراعاننان كەيىن قالاي دامىعانىمىز تۋراسىندا اتاپ ءوتتىم. كەڭەس وداعىندا 15 رەسپۋبليكا بولدى، سونىڭ اراسىندا قازاقستان 12-13- ورىنداردىڭ بىرىندە ەدى. رەسەيدەن كەيىن ەكىنشى ورىندا ۋكراينا تۇردى. الايدا، بۇگىندە ەكونوميكا، دامۋ قارقىنى بويىنشا ەكىنشى ورىندا قازاقستان تۇرعىرلاندى. ارينە، ءتيىستى قيىندىقتار دا بار»، - دەپ توقتالدى ەلباسى.

مەملەكەت باسشىسى شيكىزاتتىق رەسۋرستاردان وزگەشە بالامالى يندۋستريانى قۇرۋ بويىنشا جۇمىستار، جاستاردى وقىتۋعا نەگىزدەلگەن ۇمتىلىس، وسىعان سايكەس جوو- لاردى قۇرۋ بويىنشا تالپىنىستىڭ بارلىعى بۇگىنگى قارقىندى دامۋعا دايىندىق بولعانىن اتاپ ءوتتى.

جاڭا تەحنولوگيالاردى يگەرگەن مەملەكەتتەردىڭ قاتارىندا بولۋعا قاۋقارلىمىز - ەلباسى«مەنىڭ ويىمشا، قازاقستاندىقتار، ياعني بىزدەر - ءوپتيميسپىز. 20 جىل تولىپ وتىرعان بۇل جاڭا قالادا ميلليوننان استام ادام ءومىر سۇرۋدە. جالپى قازاقستانداعى سەكىلدى وسى قالاداعى تۇرعىنداردىڭ ورتاشا جاسى - 32 دە. ياعني ءبىز بولاشاققا ۇلكەن وپتيميزممەن قارايمىز»، - دەدى ن. نازاربايەۆ.

وسى ورايدا پرەزيدەنت قازاقستان ءوزىنىڭ جەر كولەمى بويىنشا الەمدە توعىزىنشى ورىندا ەكەنىن ەسكە سالا كەلە، الايدا حالىق سانى مەن ەكونوميكا كولەمى اياسىندا ايتارلىقتاي اۋقىمدى ەمەستىگىن ءسوز ەتتى.

«الايدا ورتالىق ازيادا ءبىزدىڭ ەكونوميكانىڭ كولەمى وزگە مەملەكەتتەردەن ارتىق. ءبىز وسىمەن ماقتانامىز»، - دەدى مەملەكەت باسشىسى.

ءسوز سوڭىندا ەلباسى قازاقستاندا الداعى بەلەستەردى تابىستى ەڭسەرەتىنىن، وسى ورايدا ەلىمىز جاڭا تەحنولوگيالاردى يگەرگەن الپاۋىت مەملەكەتتەردىڭ قاتارىندا بولۋعا قاۋقارلى ەكەندىگىن اتاپ ءوتتى.

اۆتور: رۋسلان عابباسوۆ

  


:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
باقىتجول كاكەش
باقىتجول كاكەش
954-049
مۇراعات