+7 (701) 759 90 19 Лента
11 °С : استانا
26 °С : الماتى
USD 328.95 EUR 386.38
RUB 5.27 CNY 51.50
جاڭالىقتار

پان گي مۋن: قازاقستان - جاسىل ەكونوميكاداعى كوشباسشى ەلدەردىڭ ءبىرى

17 مامىر 14:37 231
:ءبولىسۋ
پان گي مۋن: قازاقستان - جاسىل ەكونوميكاداعى كوشباسشى ەلدەردىڭ ءبىرى

استانا. قازاقپارات - Global Challenges Summit 2018 فورۋمىنىڭ جالپى وتىرىسىندا ب ۇ ۇ بۇرىنعى باس حاتشىسى پان گي مۋن قازاقستانداعى جاسىل ەكونوميكاعا كوشۋ جۇمىستارىنا وڭ باعا بەردى، دەپ حابارلايدى قازاقپارات ءتىلشىسى.

«الەم كوشباسشىلارى تومەن كومىرتەكتى ەكونوميكاعا كوشىپ جاتىر. ءبىرقاتار ەلدىڭ تاماشا قادامدارىنا دا كۋا بولدىق. شىن مانىندە بالامالى ەنەرگيا كوزدەرى مەن جاسىل ەكونوميكا ۇلەسى كۇننەن- كۇنگە ارتىپ كەلەدى. بالامالى ەنەرگياعا قاتىستى شەشىمدەر قۇنى دا ءداستۇرلى ەنەرگيامەن باسەكەلەسە الاتىنداي دەڭگەيگە جەتتى. بۇل جاھاندىق تالاپتا قازاقستاننىڭ كوشباسشى ەلدەردىڭ ءبىرى ەكەنىن اتاپ وتكىم كەلەدى»، - دەدى پان گي مۋن.

ب ۇ ۇ 8 حاتشىسى جاسىل دامۋ باعىتىندا قىزمەت ەتىپ جۇرگەنىن جانە قازاقستاندا اتقارىلىپ جاتقان جوبالارعا قولداۋ ءبىلدىرۋ قاجەتتىگىن باسا ايتتى.


پان گي مۋن: قازاقستان - جاسىل ەكونوميكاداعى كوشباسشى ەلدەردىڭ ءبىرى

«2013-جىلى ازىرلەنگەن قازاقستاننىڭ جاسىل ەكونوميكاعا كوشۋ تۋرالى تۇجىرىمداماسى ەۋرووداقتىڭ بارلىق باعىتتارىنا سايكەس كەلەدى. قازاقستاننىڭ الدىندا 2050-جىلعا دەيىن ەلەكتر ەنەرگياسىنىڭ 50 پروتسەنتىن بالامالى قۋات كوزدەرىنەن ءوندىرۋ مىندەتى تۇر. 2017-جىلى نازاربايەۆ اشقان حالىقارالىق جاسىل تەحنولوگيالار ورتالىعى دا بۇل مىندەتتەمەنى جۇزەگە اسىرۋعا سەپتىگىن تيگىزەدى. بۇل باستامادا قازاقستاندى قۇتتىقتاپ، وعان قولداۋ ءبىلدىرۋىمىز كەرەك. قازىر مەن جاھاندىق جاسىل دامۋ اسسامبلەياسىنىڭ پرەزيدەنتىمىن. ءبىزدىڭ ۇيىم ۇكىمەتتەرگە تومەن كومىرتەكتى جاسىل دامۋ سالاسىندا كومەك كورسەتەمىز. قازاقستانداعى جانە بۇكىل الەمدەگى جاسىل دامۋ جوبالارى ارقىلى تابيعاتپەن ۇندەستىكتە ءومىر ءسۇرىپ، كليماتتىڭ وزگەرۋىنە قارسى كۇرەس جۇرگىزە الامىز»، - دەدى پان گي مۋن.

ەسكە سالا كەتسەك، ەلوردادا XI استانا ەكونوميكالىق فورۋمى ءوتىپ جاتىر.

بيىلعى فورۋمدا روبوتيزاتسيا، ادامزاتتىڭ وزگەرۋى، اگروونەركاسىپ سالاسىنداعى جەتىستىكتەر، دەنساۋلىق سالاسىنىڭ ماسەلەلەرى تالقىعا سالىنادى.

اۆتور: ايجان سەرىكجان قىزى


:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
باقىتجول كاكەش
باقىتجول كاكەش
954-049
مۇراعات