+7 (701) 759 90 19 Лента
24 °С : استانا
20 °С : الماتى
USD 325.75 EUR 382.04
RUB 5.31 CNY 51.04
جاڭالىقتار

ەۋرازيالىق ەكونوميكالىق وداق ەلدەرى مەن قىتاي ساۋدا-ەكونوميكالىق كەلىسىمدى راسىمدەدى

17 مامىر 14:20 267
:ءبولىسۋ
ەۋرازيالىق ەكونوميكالىق وداق ەلدەرى مەن قىتاي ساۋدا-ەكونوميكالىق كەلىسىمدى راسىمدەدى

استانا. قازاقپارات - ەۋرازيالىق ەكونوميكالىق وداق ەلدەرى مەن قىتاي حالىق رەسپۋبليكاسى ساۋدا-ەكونوميكالىق ىنتىماقتاستىق تۋرالى كەلىسىمگە قول قويدى.

اتالعان قۇجات استانا ەكونوميكالىق فورۋمى اياسىندا راسىمدەلدى، دەپ حابارلايدى قازاقپارات ءتىلشىسى.

قازاقستان تاراپىنان كەلىسىمدى ق ر پرەمەر-ءمينيسترىنىڭ ءبىرىنشى ورىنباسارى اسقار مامين راسىمدەدى. سونداي-اق، ارمەنيانىڭ ۆيتسە-پرەمەرى تيگران اۆينيان، بەلارۋستىڭ ءبىرىنشى ۆيتسە-پرەمەرى ۆاسيلي ماتيۋشيەۆسكي، قىتايدىڭ مينيستر دارەجەسىندەگى حالىقارالىق ساۋدا وكىلى فۋ تسزين، قىرعىستاننىڭ ۆيتسە-پرەمەرى زاميربەك اسقاروۆ، رەسەيدىڭ ۆيتسە-پرەمەرى دميتري كوزاك جانە ەاەو كوللەگيانىڭ ءتوراعاسى تيگران ساركيسيان ءوز قولدارىن قويدى.

ايتا كەتەيىك، بۇگىن تاڭەرتەڭ ا ە ف-2018 اياسىندا تاعى ءبىر كەلىسىمگە قول قويىلدى. اتالعان قۇجات بويىنشا ە ا ە و پەن يران اراسىندا ۋاقىتشا ەركىن ساۋدا ايماعىن قۇرۋ جوسپارلانعان. تاراپتار ءبىرقاتار تاۋارلار بويىنشا كەدەندىك باج سالىعىن 3 جىلعا دەيىن تومەندەتۋگە ۋاعدالاستى.

«شىنى كەرەك، ەۋرازيالىق ەكونوميكالىق وداقتى قۇرۋ كەزىندە قىتايمەن ءوزارا قارىم-قاتىناس جاساۋ جاعى دا ەسكەرىلگەن بولاتىن. سەبەبى قىتاي ءىرى ەكونوميكالاردىڭ قاتارىنا كىرەدى. بۇدان بەس جىل بۇرىن قىتاي ىشكى سۇرانىستى وسىرۋگە دەن قويدى. وسى ورايدا ءبىزدىڭ كاسىپكەرلەرىمىز ءۇشىن ءبىراز مۇمكىندىكتەر اشىلىپ وتىر. كەلىسىمدە كەدەندىك باج سالىعى جايىندا ايتىلماعان. دەگەنمەن، ءوزارا ىنتىماقتاستىقتىڭ ناقتى جولدارى كورسەتىلگەن. بۇگىندە ەاەو پەن قىتايدىڭ ءوزارا ساۋدا اينالىمى 100 ميلليارد دوللارعا جەتتى. ال وداقتىڭ وسى ەلگە شىعارعان ەكسپورتى 40 پروتسەنتكە ءوستى»، - دەدى ت. ساركيسيان.

اتاپ ايتقاندا، يران 246 تاۋارعا، ال ەۋرازيالىق ەكونوميكالىق وداق ەلدەرى 175 تاۋارعا تاريف جاعىنان جەڭىلدىك جاسايتىن بولادى. ماسەلەن، قازاقستاننىڭ 102 ەكسپورتتىق تاۋارى بويىنشا يراندا كەدەندىك باج سالىعى تومەندەيدى. سونىڭ ىشىندە سيىر ەتى، قوي ەتى، سارى ماي، نوقات، بۇرشاق، جاسىمىق، ارپا، كۇرىش، وسىمدىك مايلارى، ماكاروندار، كونديتەرلىك ونىمدەر، بولات پروكاتى، رەلستەر، اككۋمۋلياتورلار جانە تاعى باسقا ونىمدەر بار. ءوز كەزەگىندە يران مەملەكەتى ە ا ە و- عا پىستە، قۇرما، ءىنجىر، مەيىز، اسشايان، اپەلسين، ليمون، لايم، كونديتەرلىك ونىمدەر، شىرىنداردىڭ كەيبىر تۇرلەرى، قۇرىلىس بوياۋلارى، لاكتار، ىدىس، جۋۋ قۇرالدارى، كىلەمدەر، پلاستماسسا بۇيىمدارى سياقتى تاۋارلاردى 10 پروتسەنتكە دەيىنگى جەڭىلدىكپەن تاسىمالداي الادى. ال الما، قيار، توماتتار سياقتى يراندىق ونىمدەرگە تەك ماۋسىمدىق، ناقتى ايتقاندا، قاراشا مەن ناۋرىز ارالىعىندا عانا جەڭىلدىكتەر بەرىلەدى.


:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
باقىتجول كاكەش
باقىتجول كاكەش
954-049
مۇراعات