13:53, 17 - مامىر 2018 | GMT +6
نازىم قىزايباي ءتورتىنشى مارتە قازاقستان چەمپيونى اتاندى
استانا. قازاقپارات - استانادا بوكستان ايەلدەر اراسىندا ءوتىپ جاتقان قازاقستان بىرىنشىلىگىندە نازىم قىزايباي چەمپيون اتاندى، دەپ حابارلايدى قازاقپارات ءتىلشىسى.
نازىم فينالدا وڭتۇستىك قازاقستاندىق جاينا شەكەربەكوۆامەن قولعاپ ءتۇيىستىرىپ، تورەشىلەر شەشىمىمەن جەڭىسكە جەتتى. بۇل نازىم قىزايبايدىڭ ەل بىرىنشىلىگىندە ءتورتىنشى رەت توپ جارۋى. سونداي-اق، 48 كەلى سالماقتا جامبىلدىق الۋا بالقىبەكوۆا چەمپيون اتاندى. ول فينالدا اقمولا وبلىسىنىڭ سپورتشىسى ايگەرىم قاسەناەۆادان ايلاسىن اسىردى.
ەستەرىڭىزگە سالا كەتەيىك، وتكەن جىلعى ەل بىرىنشىلىگىندە دە وسى ەكى بوكسشى فينالدا جۇدىرىقتاسىپ، نازىم قىزايبايدىڭ جەڭىسىمەن اياقتالعان بولاتىن.
اۆتور: كۇنسۇلتان وتارباي