پرەزيدەنت: كريپتوۆاليۋتا مەن بلوكچەين تەحنولوگيالار قارجى نارىعىن تۇبەگەيلى وزگەرتەدى
ەلباسى ءوز سوزىندە سيفرلاندىرۋدىڭ ادامدار ءومىرىنىڭ بارلىق اسپەكتىلەرىنىڭ ءبىرىنشى مەگاترەندى بولىپ وتىرعانىنا توقتالدى. «ءبىزدىڭ كوز الدىمىزدا قارقىندى تۇردە ەكونوميكانىڭ جاڭا مودەلى قۇرىلۋدا. بيزنەس قانا ەمەس، سونىمەن قاتار قوعامنىڭ بارشا ءومىرى سيفرلاندىرىلعان. جاڭا تەحنولوگيالاردىڭ قارقىندى دامۋى بازالىق فاكتورلاردى وزگەرتەدى. وندىرىستەردى قاداعالايتىن ءارى جاقسارتا الاتىن، ءوزىن-ءوزى جەتىلدىرەتىن ەلەكتروندى جۇيەلەر ۇيرەنشىكتى قۇبىلىسقا اينالدى. 2030-جىلعا قاراي جاساندى ينتەللەكت الەمدىك ەكونوميكانى 16 تريلليون دوللارعا ارتتىرادى»، - دەپ اتاپ ءوتتى ن. نازاربايەۆ.
ەلباسىنىڭ سوزىنە قاراعاندا، كريپتوۆاليۋتالار فەنومەنى مەن بلوكچەين تەحنولوگيالارى بانكتەردى قامتي وتىرىپ، قارجى نارىعى ءۇشىن تۇبەگەيلى وزگەرىستەردى الىپ كەلەتىن بولادى.
«ساراپشىلاردىڭ پايىمىنشا، 500 ءىرى كومپانيانىڭ 200 ءى الداعى ونجىلدىقتا جويىلىپ كەتەدى. سونىمەن بىرگە، سيفرلاندىرۋمەن قاتار كيبەرقىلمىس تا ىلەسىپ جۇرەدى. ياعني كيبەرقىلمىس 2017-جىلى بيزنەس ءۇشىن ەڭ قاتەرلى قاۋىپ رەتىندە تانىلدى، الايدا بۇل قىلمىس ءتۇرى ءبىر جىل بۇرىنعى تىزىمدە تەك بەسىنشى ورىندا تۇرعان ەدى. ارينە، وسى جانە وزگە دە فاكتورلار ەلدەردىڭ سيفرلىق پروۆينتسيادا قالىپ قويماۋى تالپىنىسىن ەسكەرتەدى. ءبىز دە بۇل شىنايىلىقتارعا بەيىمدەلۋدەمىز. بۇل تۇرعىدا سيفرلىق قازاقستان باعدارلاماسى ىسكە قوسىلدى. ونى جۇزەگە اسىرۋ سيفرلىق ينفراقۇرىلىمنىڭ دامۋىن قامتاماسىز ەتەدى»، - دەدى ەلباسى.
اۆتور: رۋسلان عابباسوۆ