+7 (701) 759 90 19 Лента
2 °С : استانا
-5 °С : الماتى
USD 363.26 EUR 420.11
RUB 5.54 CNY 52.45
جاڭالىقتار

ەلباسى: بىلتىرعى فورۋمنان بەرى الەمدەگى وراسان زور وزگەرىستەردىڭ كۋاگەرى بولدىق

17 مامىر 11:08 713
:ءبولىسۋ
ەلباسى: بىلتىرعى فورۋمنان بەرى الەمدەگى وراسان زور وزگەرىستەردىڭ كۋاگەرى بولدىق

استانا. قازاقپارات - بۇگىن Global Challenges Summit 2018 فورۋمىندا قازاقستان پرەزيدەنتى نۇرسۇلتان نازاربايەۆ قارىم-قاتىناس ماسەلەسىندە الپاۋىت مەملەكەتتەردىڭ نەگىزگى پروبلەماسىن اتادى، دەپ حابارلايدى قازاقپارات ءتىلشىسى.

«استانا ەكونوميكالىق فورۋمىنا قاتىسۋ جاقسى داستۇرگە اينالىپ كەلەدى. وسى ورايدا وسىندا كەلگەن قوناقتارىمىزعا، جالپى ءبىزدىڭ ازاماتتارعا زور راحمەتىمدى ايتامىن. 11- رەت فورۋم الەمدىك ەكونوميكانىڭ ينۆەستيتسيالارى مەن يننوۆاتسيالارىنىڭ ەڭ ماڭىزدى ماسەلەلەرىن تالقىلاۋ الاڭى بولىپ وتىر. بىلتىرعى فورۋمنان بەرى ءبىز الەمدەگى وراسان زور وزگەرىستەردىڭ كۋاگەرى بولىپ وتىرمىز. جاڭادان تەكەتىرەس، كونفرونتاتسيالار پايدا بولۋدا، مەملەكەتتەر اراسىندا كەلىسىمگە كەلۋ قيىنداپ بارا جاتىر. اسىرەسە، ۇلكەن مەملەكەتتەر اراسىندا. ءوزارا سەنبەۋشىلىك، قارسىلاستىقتىڭ ۇستانىمىن ءتۇسىنۋدى قالاماۋ ءجيى ورىن الۋدا. بۇل الەم ءۇشىن وتە كۇردەلى كەزەڭ»، - دەدى مەملەكەت باسشىسى.

وسى ورايدا ن. نازاربايەۆ وسى قيىندىقتارعا قاتىستى ماسەلەلەردى ءادىل جانە وبەكتيۆتى تۇردە تالقىلاۋدىڭ ءار مۇمكىندىگى ادامزات ءۇشىن وتە ماڭىزدى ەكەنىن قاداپ ايتتى.

«سول سەبەپتەن بيىلعى فورۋم جاھاندىق سىن-تەگەۋرىندەرگە ءتيىمدى جاۋاپ ىزدەۋگە باعىتتالعان. سايكەسىنشە، فورۋمدا وسى سالالارداعى بىلىكتى ماماندار جينالىپ وتىر. ولاردىڭ ءسوزىن تىڭداۋعا، ۇسىنىستارىن پايدالانۋعا ءبىز اسىعامىز»، - دەپ اتاپ ءوتتى پرەزيدەنت.

ايتا كەتەيىك، XI استانا ەكونوميكالىق فورۋمى ەلوردادا 17-19- مامىر كۇندەرى وتەدى. بۇعان دەيىنگى فورۋمداردا جاھاندىق ەكونوميكا، سيفرلاندىرۋ جانە تاعى باسقا ماسەلەلەر قارالسا، بيىلعى فورۋم بارىسىندا رەسۋرستار، روبوتيزاتسيا، ادامزاتتىڭ وزگەرۋى، اگروونەركاسىپ سالاسىنداعى جەتىستىكتەر، دەنساۋلىق سالاسىنىڭ ماسەلەلەرى تالقىلانادى. بيىل فورۋمعا الەمنىڭ ءتۇرلى ەلدەرىنەن 500 گە جۋىق سپيكەر قاتىسادى. بۇل ا ە ف- ءتىڭ رەكوردتىق كورسەتكىشى.

اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات